Kanya Vidya Dhan Dilaane Ki Maang

India » Tuesday, March 26, 2013

S . Haapud : Kanya vidya yojana se vanchit intarameediyet paas chhaatraaon ne DM sooryapaal gangavaar ko patra likhkar yojana ka laabh dilaane ki maang ki hai. DM ne chhaatraaon ko soochi ke hisaab laabh dilaane ka aashvaasan diya hai. Bata dein ki sarkaar ki or se jin intar paas chhaatraaon ke parijanon ki vaarshik aay 35 hajaar rupaye se kam hai, unhein yojana ka laabh diya jaata hai. Is yojana ke tahat janapad mein intar paas 2500 se adhik chhaatraaon ne aavedan kiya tha, jismein se 1174 paatr chhaatraaon ko 30-30 hajaar ke check janapad Meerut mein baante gaye. Baaki chhaatraaon ne aarop lagaaya ki paatr hote hue bhi unka naam soochi mein darj naheen kiya gaya