Kanpur Mein Bhroon Ka Ling Pareekshan Karne Vaale Paanch Doctor Giraftaar

Breaking »

Kanpur Mein Bhroon Ka Ling Pareekshan Karne Vaale Paanch Doctor Giraftaar

Kanpur: Paise lekar avaidh roop se garbh mein pal rahe bhroon ki jaanch karne aur baad mein usaka garbhapaat karne ke aarop mein Kanpur police ne shahar ke naami private aspataalon, nursing hom aur altraasaaund center par chhaapemaari ki aur paanch Doctor, do nurse aur ek ward bvauya ko giraftaar kar liya. Kanpur police ne yah kaarravaai ek swayamsevi sanstha dvaara police ki madad se kiye gaye sting operation ke baad kiya. Is sting operation ke video mein Doctor do hajaar se 10 hajaar rupaye tak maang karte dekhe gaye. Ab Kanpur police in doctoron ke aspataalon ke panjeekaran radd karaane ki prakriya shuroo kar rahi hai aur in chikitsakon ke baare mein medical kaaunsil of India ko bhi patra bhej rahi hai, taaki inka license nirast ho sake. In aspataalon mein shahar ke naami-giraami private aspataal bhi shaamil hain. Kanpur police ke SSP yashasvi Yadav ne bataaya ki shahar ki ek NGO ne is baare mein jaankaari di ki kis tarah se shahar ke bade naami private aspataal, nursing hom aur altraasaaund seintaron par kanya bhroon pareekshan (feemel fetisaaid test) hota hai aur uske baad garbh mein agar ladki pal rahi hai, to usaka abaurshan kar diya jaata hai. Iske liye alag-alag aspataalon ke alag-alag rate the. Kuchh chhote aspataal 2000 rupaye mein taiyaar ho jaate the, jabki kuchh bade aur naami aspataal iski fees 10 hajaar rupaye ya isse bhi adhik lete the. SSP ne bataaya ki in sabhi bade niji aspataalon ke khilaaf is sting operation ki seedi shahar ke DM MP Agrawal ko dikhaai gayi. Unhonne is seedi ki jaanch karavaai, uske baad hi in aspataalon ke doctoron ko giraftaar karne ke aadesh diye gaye. Unhonne kaha ki is baat ki bhi jaanch ki jaaegi ki in private aspataalon ke is kanya bhroon pareekshan mein sarkaari svaasthya vibhaag ke karmachaari to shaamil naheen the.

Kanpur Mein Bhroon Ka Ling Pareekshan Karne Vaale Paanch Doctor Giraftaar https://www.angrejinews.com/pic/2681