Kanedr Ne 39 NIA Court Ka Gathan Kiya

India »

Kanedr Ne 39 NIA Court Ka Gathan Kiya

PTI . Nai Delhi : Muslim yuvaaon se judi aatankvaadi ghatnaaon ki jald se jald sunavaai karne ki maang ke maddenajar kendra sarkaar ne deshbhar mein 39 vishesh adaalaton ka gathan kiya hai. Ye adaalatein raashtreeya jaanch agency (NIA) dvaara darj maamalon ki sunavaai kareingi. Gruh raajya mantri aar. Pi. N. Singh ne sansad ko bataaya ki kendra ne NIA kaanoon ke tahat aatankvaad se jude maamalon ke liye 39 vishesh adaalaton ka gathan kiya hai. Alpasankhyak maamalon ke mantri ke. Rahman Khan ne aatankvaadi ghatnaaon mein muslim yuvakon ki 'Galat giraftaari' ko lekar gruh mantri susheel Kumar shinde ke saamane chinta jataai thi aur isi ke teen maheene baad yah kavaayad hui hai. Khan ne gruh mantraalaya ko vibhinn muslim sangathanon ki un chintaaon se avagat karaaya jiske baare mein unka kehna tha ki gairkaanooni gatividhi rokathaam adhiniyam ke 'Kathor' praavadhaanon ka alpasankhyakon ke khilaaf galat istemaal ho sakta hai. Khan ne sabhi aatanki maamalon ki teji se sunavaai ke liye vishesh adaalatein gathit karne ka prastaav diya tha.

Kanedr Ne 39 NIA Court Ka Gathan Kiya https://www.angrejinews.com/pic/8019