Kamjor Vaishvik Sanketon Ke Chalte Sona Aur Gira

Business »

Kamjor Vaishvik Sanketon Ke Chalte Sona Aur Gira

Nai Delhi Sona bhaav shanivaar ko Delhi sarraafa baajaar mein 33,000 rupaye ke star se neeche chala gaya. Yeh 155 rupaye ghatkar 32,875 rupaye prati 10 gram raha. Iski aham vajah maujuda star par sthaaneeya jauhariyon ki maang ghatna aur vaishvik sanketon ka kamjor hona hai. Audyogik ikaaiyon aur sikka dhalaavon ka uthaav ghatne se chaandi bhaav mein bhi 600 rupaye ki giraavat rahi. Yeh 39,850 rupaye prati kilogram raha. Sarraafa kaarobaariyon ke anusaar kamjor vaishvik sanketon ke alaava haajir baajaar mein sthaaneeya jauhariyon aur khudara vyavasaayiyon ki kamjor maang se sona bhaav kamjor hua hai. Vaishvik star par New York mein sona bhaav 1,287.80 ameriki dollar prati auns aur chaandi bhaav 15.67 dollar prati auns raha. Delhi sarraafa baajaar mein 99.9 aur 99.5 pratishat shuddhata vaale sone ka bhaav 155-155 rupaye ghatkar kramash: 32,875 aur 32,725 rupaye prati 10 gram raha. Shukravaar ko sona bhaav 40 rupaye toota tha. Haalaanki aath gram vajani sona ginni ka bhaav 25,300 rupaye prati ikaai par bana raha. Sone ki raah par hi haajir chaandi ka bhaav 600 rupaye tootakar 38,850 rupaye prati kilogram raha. Vaheen saaptaahik aadhaar waali chaandi ka bhaav 295 rupaye ghatkar 39,471 rupaye prati kilogram raha. Chaandi sikkon ka prati saikada livaali bhaav 77,000 rupaye aur bikvaali bhaav 78,000 rupaye par raha.

Kamjor Vaishvik Sanketon Ke Chalte Sona Aur Gira https://www.angrejinews.com/pic/247324