Kamjor Vaishvik Rukh Ke Beech Sone, Chaandi Mein Giraavat Jaari

Breaking »

Kamjor Vaishvik Rukh Ke Beech Sone, Chaandi Mein Giraavat Jaari

Nai Delhi: videshon mein kamjor rukh ke beech maang mein kami ke chalte Delhi sarraafa baajaar mein sone ki keematon ka girna lagaataar chauthe din bhi jaari raha. Aaj iske bhaav 200 rupaye aur tootakar 11 maah ke nichle star 27,500 rupaye prati das gram rah gaye. Aabhooshan nirmaataaon aur futakar maang kamjor padne aur vaayada baajaar mein narami ka rukh se bhi sone mein giraavat ko bal mila. isi tarah chaandi ke bhaav bhi tagaataar paanchave din dabaav mein rahe. Aur aaj iske bhaav 500 rupaye ludhak kar 40,500 rupaye prati kilo rah gaye. Baajaar sootron ke anusaar sone mein aur giraavat aane ki sambhaavana ke chalte khareedaar baajaar se door rahe. Singapore mein sone ke bhaav 0.5 feesadi ki giraavat ke saath 1251.86 dollar prati auns rahe jo 4 February ke baad ka nichla star hai. Chaandi ke bhaav 0.9 feesadi girkar 18.85 dollar prati auns rah gaye jo ek May ke baad ka nichla star hai. Delhi mein sona 99.9 aur 99.5 shuddh ke bhaav 200 rupaye ki giraavat ke saath kramash: 27,500 rupaye aur 37,300 rupaye prati das gram band hue. Ginni ke bhaav poorvastar 24,600 rupaye prati aath gram aparivrtit band hue. chaandi taiyaar ke bhaav 500 rupaye ki giraavat ke saath 40,500 rupaye aur chaandi saaptaahik delivery ke bhaav 360 rupaye tootakar 39,990 rupaye kilo par band hue. Chaandi sikka ke bhaav 2000 rupaye ki giraavat ke saath 75,000 se 76000 rupaye prati sainkada band hue.

Kamjor Vaishvik Rukh Ke Beech Sone, Chaandi Mein Giraavat Jaari https://www.angrejinews.com/pic/52129