Kamjor Sarkaar Ne Badhaaya Cheen Ka Hausala Sinha

Breaking »

Kamjor Sarkaar Ne Badhaaya Cheen Ka Hausala  Sinha

Nai Delhi. . Cheeni sainikon ke bhaarateeya ilaake mein ghuspaith ki khabaron par BJP ke varishth neta yashavant sinha ne aarop lagaaya ki aisa Delhi mein kamjor sarkaar ke kaaran huaa hai. Is mudde par BJP ke varishth neta yashavant sinha ne mangalvaar ko sansad bhavan parisar mein kaha, 'Is baat ka khaas dhyaan rakha jaana chaahiye aur yah tay kiya jaana chaahiye ki cheen ke sainikon ke bhaarateeya ilaake mein pravesh karne jaisi ghatnaaon par naram rukh na apnaaya jaae. ' sinha ne kaha ki lekin buniyaadi samasya yah hai ki Delhi mein ek kamjor sarkaar hai, jiske kaaran balaatkaariyon se lekar maaladeev aur cheen tak ko khuli chhoot mili hui hai. Vibhinn ghotaalon ki kathit taur par leepaapoti karne ka aarop lagaate hue sinha ne kaha, 'Jo kuchh bhi ho raha hai, usamein pradhaanamantri seedhe shaamil hain. Isliye BJP unke isteefe ki maang kar rahi hai. ' BJP par satta haasil karne ke liye logon ko gumaraah karne aur sansad ke kaamkaaj mein baadha daalne ke Congress aur sarkaar ke kuchh mantriyon ke aaropon ke baare mein poochhe jaane par sinha ne kaha, 'Jab ham satta mein the tab ve (Congress) chhoti se chhoti baat par sadan ki kaarravaai mein baadha daalte the aur ab hamein upadesh day rahe hain. ' unhonne kaha, 'Desh ki janta ko kaun gumaraah kar raha hai, desh ki janta jald hi yah tay kar degi.

Kamjor Sarkaar Ne Badhaaya Cheen Ka Hausala Sinha https://www.angrejinews.com/pic/6500