Kamjor Padti Aarthik Vruddhi Dar Ke Kaaran Ki Gayi Repo Dar Mein Katauti Emapeesi Byora

Business »

Kamjor Padti Aarthik Vruddhi Dar Ke Kaaran Ki Gayi Repo Dar Mein Katauti Emapeesi Byora

Mumbai , 18 April (bhaasha) ghareloo aarthik vruddhi ke kamjor padne ke saath vaishvik star par aarthik susti ne bhaarateeya reserve bank (RBI) ke Governor shaktikaant das ko neetigat byaaj dar (repo dar) mein 0.25 pratishat katauti ke paksh mein apna mat dene ke liye prerit kiya. Is maheene ke shuroo mein hui maudrik neeti samiti ki baithak ke byore mein yeh baat kahi gayi hai. haalaanki , deputy Governor virl aachaarya ne repo dar ko pehle ke star par barakaar rakhane ka paksh liya tha. Unhonne aagrah kiya ki repo dar mein katauti karne ke faisale se pehle reserve bank ko atirikt aankadon ke liye " kuchh samay aur intajaar " karna chaahiye. chhah sadasyeeya samiti ke ek aur visheshagya sadasya chetan ghaate ne bhi katauti ke virodh mein matadaan kiya tha. samiti ke chhah mein se chaar sadasyon ne repo dar mein 0.25 pratishat ki katauti ke paksh mein matadaan kiya tha. maudrik neeti samiti ki chaar April ko samaapt hui baithak mein reserve bank ne mudraasfeeti mein I narami ko dekhte huye lagaataar doosari baar neetigat byaaj dar mein 0.25 pratishat ki katauti karke ise 6 pratishat kar diya tha. Isse repo dar ab pichhle ek saal ke nichle star par aa gayi hai. haalaanki , monsoon ko lekar anishchitta ko dekhte hue reserve bank ne maudrik neeti ke rukh ko tatasth banaaye rakha. byore ke mutaabik , das ne kaha ki ghareloo aarthik vruddhi ke kamjor padne ke saath vaishvik vruddhi mein susti Bhaarat ke niryaat ke liye pramukh khatra hai. unhonne kaha ki mukhya soochakaank vruddhi mein aur giraavat ka sanket de rahe haiain. yaatri kaaron ki bikri aur ghareloo havaai yaatriyon ki sankhya mein giraavat , tikaaoo evam gair - tikaaoo upabhog vastuon ka kharaab pradarshan tatha sone aur petrolium ko chhodkar anya aayaat mein kami niji khapat mein kamjori ko darshaati hai. das ne kaha ki nivesh maang mein kami aur niryaat mein giraavat nivesh gatividhiyon ko prabhaavit kar sakti hai. unhonne kaha , " mudraasfeeti ka paridrushya naram dikh raha hai aur chaaloo vitt varsh mein khudara mudraasfeeti ke lakshya se neeche rahane ki ummeed hai. Ise dekhte hue bhaarateeya arthavyavastha ki nirantar vruddhi ke liye chunautiyon ka samaadhaan karna aavashyak ho gaya hai. " samiti ki baithak ke byaure ke mutaabik das ne kaha, '' isliye mainne repo dar mein 0.25 pratishat katauti ke paksh mein matadaan kiya. '' baithak mein Governor ne yeh bhi kaha ki reserve bank aarthik vruddhi aur mudraasfeeti ki ubharati sthiti par lagaataar najar rakhega. Unhonne kaha ki RBI kaanoon mein praapt adhikaaron ke daayare mein rahate huye kendreeya bank sahi samay par aur nirnaayak roop se kadam uthaayega.

Kamjor Padti Aarthik Vruddhi Dar Ke Kaaran Ki Gayi Repo Dar Mein Katauti Emapeesi Byora https://www.angrejinews.com/pic/268810