Kamalnath Ne 16veen Loksabha Ke Protem Speaker Ki Shapath Li

Breaking »

Kamalnath Ne 16veen Loksabha Ke Protem Speaker Ki Shapath Li

Nai Delhi: varishth Congress neta Kamalnath ne aaj navagathit Loksabha ke protem (asthaayi) speaker ke roop mein shapath li. Unhein raashtrapati Pranab mukharji ne shapath dilaai. nau baar ke saansad 67 varsheeya Kamalnath ko raashtrapati bhavan mein ek saade samaaroh mein shapath dilaai gayi. Is dauraan pradhaanamantri Narendra Modi, up raashtrapati haamid Ansari, sansadeeya kaarya mantri M Venkaiya Naidu aur sansadeeya kaarya raajya mantri santosh gangavaar maujood the. shapath lene ke baad poorv sansadeeya kaarya mantri evam madhya pradesh ke chhindavaada se Loksabha saansad Kamalnath ko raashtrapati aur anya logon ne badhaai di. Kamalnath ne kaha ki unki party rachanaatmak vipaksh ki bhoomika nibhaaegi aur desh ke yuvaaon ki aakaankshaaon par khara utarane ke liye kaarya karegi. unhonne samvaadadaataaon se kaha ki ham nishchit taur par rachanaatmak vipaksh ki bhoomika nibhaaenge. Vipaksh ki bhoomika sarkaar ka dhyaan janta ki aavashyakataaon ki or aakashirt karna tatha lambit vidheyakon ko paarit karaane mein madad karna hogi. Kamalnath ne kaha ki Loksabha adhyaksh vipaksh ke neta ke baare mein tay kareinge aur ye parson hi hoga. Protem speaker nae speaker chune jaane tak Loksabha ki kaaryavaahi ka sanchaalan karte hain.

Kamalnath Ne 16veen Loksabha Ke Protem Speaker Ki Shapath Li https://www.angrejinews.com/pic/52735