Kamalnath Ho Sakte Hain Loksabha Mein Vipaksh Ka Neta

Breaking »

Kamalnath Ho Sakte Hain Loksabha Mein Vipaksh Ka Neta

File photo File photo Nai Delhi: Loksabha chunaavon mein Congress ko mili karaari shikast ke baad maana ja raha hai ki party adhyaksh soniya Gandhi aur upaadhyaksh Rahul Gandhi Loksabha mein vipaksh ke neta ka pad lene ke khilaaf hain. Isse sabse varishth Congressi saansad Kamalnath ke sadan mein Congress ka neta banane ki sambhaavnaaen aur tej ho sakti hain. Kamalnath vipaksh ke neta ban sakte hain, agar Loksabha adhyaksh niyamon mein chhoot dete hain ya poore UPA ko ek ikaai ki maanyata dete hain, jiske saansadon ki sankhya 56 hai. Loksabha chunaav mein Congress ko keval 44 seatein haasil hui hain. Mukhya vipakshi dal ki maanyata praapt karne ke liye kisi party ke paas 543 sadasyeeya Loksabha mein kam se kam 10 feesadi hissedaari yaani 55 sadasya hone chaahiye. Haalaanki is jaroorat ko lekar kuchh bhi vaidhaanik naheen hai aur Loksabha adhyaksh ise hata sakte hain. aise bhi kayaas hain ki annaadramuk aur Trinamool Congress vipaksh ke neta pad ka daava karne ke liye saath aa sakte hain, jinke seaton ki sankhya kramash: 37 aur 34 hai.

Kamalnath Ho Sakte Hain Loksabha Mein Vipaksh Ka Neta https://www.angrejinews.com/pic/51058