Kamaal Hai, 6 Ghante Mein Ja Pahunche Space

World »

Kamaal Hai, 6 Ghante Mein Ja Pahunche Space

Moscow. . Roos ka antariksh yaan (soyooj) teen antariksh yaatriyon ko lekar antararaashtreeya antariksh station (ISS) mein safalataapoorvak pravesh kar gaya. Is yaan mein savaar teen yaatriyon ke vahaan pahunchane se is ghoomti hui prayogashaala mein maujood logon ki sankhya chhah ho gayi. America ke kris kaiseedi aur roos ke paavel vinograadov va alekjeindar misurakin ne prashaant mahaasaagar ke oopar, is antariksh station ke saath antararaashtreeya samay ke anusaar 4: 35 par sampark judne se pehle is antariksh yaan mein chhah ghante tak yaatra ki thi. 1997 aur 2006 mein antariksh mein rah chuke 59 saal ke vinograadov ko naasa TV par kehte suna gaya, yah bahut khoobsoorat najaara hai. Apni aankhon par yakeen karna mushkil hai. Yah naya chaalak dal pruthvi par lautane se pehle antariksh mein paanch maheene bitaaega. Antariksh yaan aur antariksh station ke beech ke dabaav ko ek samaan star par aane mein do ghante ka samay laga. Surakshit pravesh ke liye yah jaroori hota hai. Station mein hava mein tairakar daakhil hote samay vinograadov ne majaakiya andaaj mein kaha, are, koi ghar mein hai? Kris kaiseedi, vinograadov aur misurakin ka svaagat station par pehle se maujood ameriki Tom maishabarn, roosi roman romeneinko aur Canada ke kris haidafeeld ne khushi se chillaate hue aur gale lagaakar kiya. Ye log beete December se is station par maujood hain. Iske baad in antariksh yaatriyon ne Moscow se baahar sthit mission control ke saath ek sankshipt satr mein bhaag liya. Ismein unhonne apne doston aur sanbandhiyon se baatcheet ki. Apni pehli antariksh yaatra par aae 35 varsheeya misurakin ki maan ne bhaavuk hokar unhein kaha, tum vaakai ek sitaare ho. Mujhe tum par garv hai. In antariksh yaatriyon ka yah abhiyaan Kazhakstan mein roos ke baikonoor prakshepan pad se der raat hi shuroo ho gaya tha. Aisa pehli baar hai jab antariksh yaatriyon ke kisi dal ne antariksh ki kisi prayogashaala mein jaane ke liye koi seedha maarg pakada hai. Kaiseedi, vinograadov va misurakin aise pehle dal ke sadasya hain jo sirf chaar parikramaaon ke baad hi antariksh station pahunch gaye hain jabki ek maanak ke taur par is station par pahunchane mein 50 ghante ka samay lagta hai.

Kamaal Hai, 6 Ghante Mein Ja Pahunche Space https://www.angrejinews.com/pic/3823