Kalyaan Ke Rishtedaaron Ko Jinda Foonkane Ki Koshish

Breaking »

Kalyaan Ke Rishtedaaron Ko Jinda Foonkane Ki Koshish

badaayoon. . Jile mein uttar pradesh ke poorv mukhyamantri kalyaan Singh ki patni ke 2 bhaaiyon ko jinda jalaane ki koshish ki gayi. Is maamale mein 5 mahilaaon samet 9 logon ke khilaaf mukadama darj kiya gaya hai. SSP dharmaveer Singh ne bataaya ki sanbhal jile mein devaapur gaanv ke nivaasi aur uttar pradesh ke poorv mukhyamantri kalyaan Singh ke saale shyaamalaal ki beti hansaavati ki badaayoon ke bisauli mein behata kauda gaanv mein sasuraal thi. Hansaavati ka gaanv mein hi kisi se jhagada chal raha tha, jiske chalte shyaamalaal ki beti par gaanv ki kisi ladki ko bhagaane ka aarop lagaaya gaya tha. Isi maamale mein shyaamalaal apne bhaai vijyapaal ke saath Budhvaar ko panchaayat karaane behata kauda aae the. Panchaayat ke dauraan kisi baat ko lekar donon pakshon mein kahaasuni ho gayi aur baat badhne par maarapeet hone lagi. Doosare paksh ke logon ne shyaamalaal aur vijyapaal ko maara-peeta aur mitti ka tel chhidkakar aag lagaane ki koshish ki. Police ne bataaya ki panchaayat mein maujood anya graameenon ne shyaamalaal aur uske bhaai ko hamlaavaron ke changul se bamushkil bachaaya aur ek kamre mein band kar diya. Unhonne bataaya ki police ne is maamale mein pappoo, usaki patni Hema, netaraam aur usaki patni gudiya, shishupaal, draupa devi, reshama, raamakali aur nandakishor naamak vyaktiyon ke khilaaf hatya ke prayaas ka mukadama darj kar aaropiyon ki talaash shuroo kar di hai.

Kalyaan Ke Rishtedaaron Ko Jinda Foonkane Ki Koshish https://www.angrejinews.com/pic/4466