Kalesar Udyaan Ke Vanya Jeevon Par Khatra

India »

Kalesar Udyaan Ke Vanya Jeevon Par Khatra

enabeeti news . Kurukshetr raashtreeya udyaan kalesar ke vanya praani par khatra mandara raha hai. Jeevon ka avaidh shikaar karne vaale unhein nuksaan pahuncha rahe hain. Taaja maamala ek saanbhar ka hai. Shanivaar tadke yamunaanagar ke kaansaapur kshetr ke log jab apne gharon se baahar nikle to ek jakhmi saanbhar ko dekhkar hairaan rah gaye. Vah bahut sahama huaa tha. Uske chehare va peeth par choton ke nishaan the. Logon ko dekhkar saanbhar dar kar idhar udhar bhaagane ka prayaas karne laga. Logon ne iski jaankaari vanya jeev praani vibhaag ke adhikaariyon ko di. Iske baad use pakadkar ilaaj kiya gaya. Adhikaariyon ke mutaabik, kareeb ek saal ka yah saanbhar khatre se baahar hai. Mukhya van adhikaari raajesh guliya ka kehna hai ki jab tak saanbhar poori tarah se svasthya naheen ho jaata tab tak use adhikaariyon ki dekharekh mein hi rakha jaaega. Gaurtalab hai ki yah koi pehla maamala naheen hai jise van vibhaag dvaara haadase ka naam diya ja raha ho. Kuchh samay pehle bhi ek saanbhar ki laash jungle ke beechobeech mili thi. Uske shareer ke kuchh hisse bhi gaayab the. Iske alaava haal hi mein ek teinduaa ki laash bhi sandigdh haalat mein nadi mein tairati mili thi. In sabhi maamalon mein vanya adhikaari yah maanane ko taiyaar naheen hain ki ye vanya praani shikaariyon ke chungal se chhootakar bhaage honge ya vanya praaniyon ke angon va khaalon ke avaidh dhandhe se jude racket ka shikaar bane honge. Raajesh guliya ka kehna hai ki saanbhar ke shareer par najar aane vaale choton ke nishaan aavaara kutton ke kaatne se bane hain. Lekin yah baat jungle ke aaspaas base gaanvon ke logon ko hajam naheen ho rahi. Unka kehna hai ki saanbhar kutte se tej daudta hai. Sthaaneeya nivaasi Rakesh ka kehna hai ki jungle mein maafiya poori tarah sakriya hain.

Kalesar Udyaan Ke Vanya Jeevon Par Khatra https://www.angrejinews.com/pic/4802