Kai Raajyon Mein Chunaav Se Pehle Badhi Bijli Ki Demand

Business »

Kai Raajyon Mein Chunaav Se Pehle Badhi Bijli Ki Demand

mitul thakkar nai Delhi power ki demand badh rahi hai aur iske jyaada rahane ke aasaar hain. Is saal kareeb 6 raajyon mein vidhaanasabha chunaav hone hain. Isse pehle raajya ki sattaaroodh paartiyaan power saplaai theek karke voteron ko lubhaane ki koshish kar rahi hain. Agale saal Loksabha chunaav bhi honge. Is lihaaj se bhi 'Power ki paulitiks' ki ahamiyt badh jaati hai. Voteron ko khush karne ke liye raajya garmiyon mein power saplaai theek rakhana chaahate hain. Vidhaanasabha chunaav iske baad hone hain. Isi vajah se bijli ki demand badh rahi hai. Central ilektrisiti athauriti ke data se iska pata chalta hai. Industry ofishiyls ne bhi bijli ki maang badhne ki pushti ki hai. Haalaanki, private power companiyon ko abhi koyale-gas ki kami sahit kai dikkaton ka saamana karna pad raha hai. Unka kehna hai ki bijli ki maang to badh rahi hai, lekin kya samay par pemeint bhi milegi? Agar rooling party bijli khareedati hai aur chunaav mein vah haar jaati hai, to kya agali sarkaar usaka bill chukaaegi! Uttar pradesh mein aisa ho chuka hai. Vahaan maayaavati ki pichhli sarkaar ne egresiv tareeke se bijli khareedi thi, lekin Akhilesh Yadav ki agali sarkaar ne usaka bill chukaane se mana kar diya. Rajasthan aur madhya pradesh mein is saal vidhaanasabha chunaav honge. Donon hi raajya jyaada bijli khareed rahe hain. January 2013 mein desh ke short tarm power trade mein unki hissedaari 30 feesadi rahi. Yah pichhle saal ke mukaabale 20 feesadi jyaada hai. In raajyon se bijli ki khareedaari aur badhne ki ummeed hai. Haal hi mein Karnataka ne bhi Gujarat se 4.50 rupae unit par do saal ke liye 700 megawatt bijli khareedne ka egreemeint kiya hai. Pichhle saal usane 4.10 rupae unit par 500 megawatt bijli khareedi thi. Vah doosari bijli companiyon se 4.50-5.50 rupae unit par 800 megawatt aur bijli khareed sakta hai. Abhi bijli ki keemat isse kam hai. Indian enarji exchange ke director (business development) raajesh medeeratta ne kaha, 'Jin raajyon mein bijli ki killat hai, vahaan vidhaanasabha chunaav ke chalte garmiyon mein iski demand badh sakti hai. Ham Karnataka, madhya pradesh aur Rajasthan ke aur bijli khareedne ki ummeed kar rahe hain. Ve baayaletaral egreemeint aur spot market se jyaada bijli khareed sakte hain. Agale saal Loksabha chunaav bhi hone hain. Isse poore desh mein bijli ki demand jyaada rah sakti hai. ' eksaparts ka kehna hai ki chunaavi saal mein rooral area mein ilektrisiti saplaai aham ho jaati hai. Agar chunaavi saal na ho , to raajya ki power distribyooshan companiyaan loss kam karne ke liye bijli ki saplaai kam kar deti hain. Ikanaumist aur faurmar power ministar vaai ke alagh ne kaha , ' Bhaarat mein logon ko 4-6 ghante power kat ki aadat hai. Haalaanki , isse raajyon ki rooling paartiyon ko nuksaan ho sakta hai. Chunaavi saal mein kisaan aur rooral area ke votar power kat pasand naheen k rate. '

Kai Raajyon Mein Chunaav Se Pehle Badhi Bijli Ki Demand https://www.angrejinews.com/pic/3746