Kabhi Bhi Gul Ho Jaati Hai Batti

India »

Kabhi Bhi Gul Ho Jaati Hai Batti

vishesh samvaadadaata. Lucknow : Demand-saplaai mein kaafi antar hone ke chalte western UP mein bijli ka jabardast sankat hai. Uttar pradesh ke sabhi pramukh shaharon mein 8 se 10 ghante tak bijli katauti ki ja rahi hai. Power kauraporeshan se jaari rostar kaamayaab naheen ho pa raha hai. Meerut, Agra, muraadaabaad, bareli, Aligadh aur sahaaranapur mandal bijli sankat se achhoote naheen hain. In mandalon se jude shaharon mein maang ke vipreet 40 feesadi se kam bijli saplaai mil rahi hai. Pashchimaanchal vidyut vitran nigam ke nideshak vi. Ke. Sharma ne bataaya ki Meerut, sahaaranapur, muraadaabaad, Agra, Aligadh mandalon mein naya rostar jaari kiya gaya hai. Meerut mein subah 2 ghante, dopahar ko 3 ghante evam raat ko 2 ghante bijli katauti ho rahi hai. Isi tarah anya shaharon ke liye bhi rostar taiyaar kiya gaya hai. Pashchimaanchal mein 650 megaavaut ki maang hai aur saplaai 450 megawatt hi mil rahi hai. Iski vajah se Meerut, Agra, Aligadh, sahaaranapur, Aligadh, bijnaur, haatharas, baagapat, haapud, shaamali, mujaffaranagar aadi shaharon mein 4 se 8 ghante bijli katauti ki ja rahi hai. Is samay UP mein kareeb 12 hajaar megawatt bijli ki demand hai, lekin 4 se 5 hajaar megawatt bijli kam mil pa rahi hai. Isse udyogon par bhi vipreet asar pad raha hai. Power kauraporeshan ke adhikaari ne bataaya ki jald hi grid se paryaapt bijli milne lagegi aur janta ko katauti se kuchh had tak raahat milegi.

Kabhi Bhi Gul Ho Jaati Hai Batti https://www.angrejinews.com/pic/5575