Kaatajoo Ko Pad Ki Garima Ka Khyaal Rakhana Chaahiye Neeteesh

Breaking »

Kaatajoo Ko Pad Ki Garima Ka Khyaal Rakhana Chaahiye  Neeteesh

Patna: Bihar ke mukhyamantri neeteesh Kumar ne apne baare mein bhaarateeya press parishad (peeseeaai) ke adhyaksh maakerndaya kaatajoo dvaara ki gayi tippani par Budhvaar ko sakht aitaraaj jataate hue kaha ki unhein pad ki garima ka khyaal rakhana chaahiye. Bihar vidhaanamandal ke sanyukt satr ke dauraan parson diye gaye raajyapaal ke abhibhaashan par vaad-vivaad ke baad aaj sarkaar ki or se javaab dete hue neeteesh ne Bihar mein press ki aajaadi ko lekar peeseeaai dal ki report ko poorvaagrah se grasit vichaar bataate hue apne baare mein kaatajoo dvaara ki gayi tippani par aaj sakht aitaraaj jataaya aur kaha ki unhein pad ki garima ka khyaal rakhana chaahiye. Kaatajoo dvaara Bihar ke neeteesh ki dhanaanand aur nandavansh se tulana kiye jaane par kaha 'Mujhe bahut takaleef hui hai, itihaas padhne vaalon ko maaloom hai ki dhanaanand kyon kaha gaya kisi ko'. Unhonne kaha 'Hamaari dhanaanand ya nandavansh se tulana kis baat ki, ham to chaandi ka chammach mukh mein lekar paida naheen hue'. Neeteesh ne kaha, sambhav ki koi dhanaanand ban sakta hai. Kisne adhikaar diya hai. Kisi samvaidhaanik sanstha ke pad par baithe hue vyakti ko kya yah adhikaar hai ki jo marji mein aae bole aur ek tarafa bole. Neeteesh ne kaha ki ve sabhi samvaidhaanik sanstha ka aadar karte hain lekin yah paraspar sammaan aur maryaada yah sabhon par laagoo hoti hai. Bihar mein press ki svatantrata ko lekar kaatajoo dvaara gathit tathya anveshan dal ke gathan ki charcha karte hue neeteesh ne kaha ki saanch ko aanch kya hai, ham par yah sab bandaraghudaki naheen chalegi. Unhonne kaha ki kaun se tathya anveshan dal ki baat kar rahe hain. Unka naam lekar ve unka pad badhaana chaahate hain. Saari duniya jaanti hai kinke saath jude hue kinke liye kaam kar rahe hain. Peeseeaai adhyaksh maarkeindeya kaatajoo ki gat varsh February mein Patna vishvavidyaalaya ki yaatra ka jikr karte hue neeteesh ne kaha ki Patna college ke praachaarya ne virodh kiya aur ve unki sarkaar ke khilaaf bhaashan dene lage. Unhonne kaha ki ham par bhaashan isliye diya kyonki ki hamaara behtar paarivaarik prushthabhoomi naheen hai. Ham ek saadhaaran kisaan vaidya se hain. Neeteesh ne kaha 'Maan liya kaatajoo ji aapke daada kailaashanaath kaatajoo madhya praant ke mukhyamantri aur Congress ke bade neta the. Shaayad raajyapaal aur keind mein mantri bhi rahe. Lekin hamaare daada gaanv mein rahane vaale ek kisaan the. Neeteesh ne kaha ''Kam se kam apna naheen to jin padon par aap rahe hain usaki garima ka to khyaal rakhana chaahiye. '' unhonne kaha ''Mere man mein kisi baat ka abhimaan naheen. Main logon se seekhata hoon. Aajatak ek bhi kshan is baat ka ehsaas naheen huaa ki ham satta mein hai balki hamein yah ehsaas huaa hai ki hamein janta ne jimmedaari di hai. '' Neeteesh Kumar ne kaha ki ham bolte naheen hain, badaarshat karte hain aur ham Bhagwan buddh ko maanate hain, apamaan ko jhelate hain lekin sadan mein kal pratipaksh ke neta ne iski charcha ki to aaj us par bol rahe hain. Unhonne kaha ki kisi ko adhikaar mila huaa hai jo marji mein aae bolte rahe, koi pad ki garima ka khyaal naheen. '' Unhonne kaha ki hamaare yahaan Bhagwan buddh ke 2550vein parinirvaan ke avsar par unki smruti mein buddh smruti park ki sthaapana ki gayi hai aur naalanda vishvavidyaalaya ko fir se punarjeevit kiya ja raha hai. Mukhyamantri ne kaatajoo ke baare mein kaha ki unhonne galat number daayal kiya hai aur kaha ki jara unke call ditel ko dekha jaae ki ve kin logon se baatein kar rahein hain ya peeseeaai dal ki report kin logon ko imel kiye gaye. (input bhaasha se bhi)

Kaatajoo Ko Pad Ki Garima Ka Khyaal Rakhana Chaahiye Neeteesh https://www.angrejinews.com/pic/2406