Kaash Main Aaj Ke Jamaane Ki Hiroin Hoti Maala Sinha

Movies »

Kaash Main Aaj Ke Jamaane Ki Hiroin Hoti  Maala Sinha

Mumbai. . Beete jamaane ki baulivud star maala sinha ka kehna hai ki unhein bahut khushi hoti yadi vah aaj ke jamaane mein hiroin hoteen, kyonki unke jamaane ki tulana mein aaj film nagari mein takaneek ke maamale mein kaafi bada fark aaya hai. 76 varsheeya aiktres ne 50 aur 60 ke dashak mein apni mohak muskaan, sundarata aur aikting ki badaulat baulivud par khoob raaj kiya. Pichhli raat ko daada saahab faalke academy puraskaar ke mauke par sinha ne kaha, 'Mujhe lagta hai ki badlaav achhe ke liye hota hai. Hamaare samay mein film banaane ki prakriya kaafi dheemi thi. Aaj takaneek bahut viksit ho gayi hai. Main yahi sochati hoon ki kaash maala aaj ke samay mein hiroin hoti to kaafi maja aata. ' unhonne kaha, 'Main TV par har saptaah kuchh award kaaryakramon ko hote dekhti rahati hoon. Lekin hamein mushkil se hi award mil paate the. Meri sochati hoon ki kaash main aaj ke jamaane mein hiroin hoti to aap sabhi mujhe bhi puraskaar paate hue dekhte. ' is mashahoor aiktres ne hindi, baangla aur nepaali bhaashaaon ki filmon kaam kiya hai. Unhonne apni pratibha aur sundarata se sabka dhyaan kheencha aur 1950 ke dashak ke shuruaati daur se 1970 ke dashak tak hindi filmon ki charchit mukhya aiktres raheen. Sinha ne sau se oopar filmon mein kaam kiya hai, jinmein 'Pyaasa' (1957), 'Dhool ka fool' (1959), 'Dil tera deevaana' (1962), 'Gumaraah' (1963), 'Himaalaya ki god mein' (1965), 'Aankhein' (1968) aur anya shaamil hain.

Kaash Main Aaj Ke Jamaane Ki Hiroin Hoti Maala Sinha https://www.angrejinews.com/pic/6860