Kaartik, Rohit Ke Toofaan Mein Ude Daredevils

Cricket »

Kaartik, Rohit Ke Toofaan Mein Ude Daredevils

Mumbai. . Dinesh kaartik aur rohit sharma ki toofaani batting ki badaulat Mumbai Indians ne Delhi Daredevils ko 44 run se haraakar lagaataar doosari jeet darj ki. Delhi ki team ki yah lagaataar teesari haar hai. Mumbai ne kaartik ke 86 aur rohit ke not out 74 run ki madad se se paanch wicket par 209 run banaae, jiske javaab mein Delhi ki team nau wicket par 165 run hi bana saki. Kaartik aur rohit ne teesare wicket ke liye 132 run ki saajhedaari bhi ki. Dekhein skorakaard: Delhi banaam Mumbai Daredevils ki or se David Warner ne 61 jabki Manpreet juneja ne 49 run banaae lekin in donon ke alaava koi ballebaaj tikkar naheen khel paaya. In donon ne teesare wicket ke liye 82 run ki saajhedaari ki bhi. Mumbai ki or se pragyaan ojha, keron polard aur Michelle Johnson ne kramash: 34, 35 aur 49 run dekar do-do wicket chatakaae. Lasith malinga aur Harbhajan Singh ne kifaayati boling ki aur chaar overon mein 20 aur 25 run dekar ek-ek wicket haasil kiya. Mumbai ki teen maichon mein yah doosari jeet hai jabki Delhi ko apne teenon maichon mein haar ka saamana karna pada hai. Taaraget ka peechha karne utari Delhi ki team ne pehli geind par hi unmukt chand ka wicket ganva diya. Unmukt ne Harbhajan Singh ki baul ko leg side par khelne ki koshish ki, lekin vah unke bait ka oopari kinaara lekar hava mein lahara gayi aur Ponting ne eksatra kavar par gota lagaate hue shaanadaar catch lapka. Unmukt IPL-6 ke teen maichon mein doosari baar pehli geind par pavilion laute hain. Kaptaan mahela jayavarddhane ne bhi Harbhajan ki teesari baul ko hava mein udaaya, lekin malinga catch thaamane mein naakaam rahe. Jayavarddhane jeevanadaan ka faayda naheen utha paae aur Johnson ki baul par kaartik ko catch day baithe jisse Delhi ka score do wicket par 13 run ho gaya. Mumbai ki shuruaat kaafi kharaab rahi aur usane doosare over mein ek run ke score tak hi donon opener ballebaajon sachin Tendulkar (01) aur kaptaan Ricky Ponting (00) ke wicket ganva diye. Ponting ne Irfan pathaan ki match ke pehle over ki antim geind par mid of par jayavardhane ko behad aasaan catch thamaaya jabki Tendulkar run out hue. Kaartik aur rohit ne iske baad morcha sambhaala. Kaartik ne aakraamak ravaiya apnaaya aur paartanaraship mein unka yogadaan 86 run ka raha jabki rohit ne 38 run jode. Kaartik ne toofaani tevar dikhaate hue IPL-6 mein pehla match khel rahe maurkel par do chauke jadne ke baad Nehra ke over mein do chauke aur ek chhakke sahit 16 run batore. Rohit ne apna khaata kholne ke liye 9 bauls ka intajaar kiya lekin baad mein kuchh achhe shot khele. Kaartik ne Umesh Yadav par bhi teen chauke maare aur is beech 29 bauls mein half century poori ki. Kaartik haalaanki jab twenty-20 cricket mein apni pehli century ki or badh rahe the, tab maurkel ki baul ko eksatra kavar par jeevan Mendis ke haathon mein khel baithe. Rohit ne maurkel par ek run ke saath 42 bauls mein apni half century poori ki. Nehra ne keron polard ki paari ka ant kiya jinhonne saat bauls mein 13 run banaae. Ambati raayudoo (24) ne 19vein over mein pathaan ko nishaana banaate hue do chhakke aur do chauke sahit 22 run banaae. Raayudoo paari ke antim over mein Nehra ka shikaar bane. Rohit ne iske baad Nehra par lagaataar do chhakke maare. Antim do over mein 42 run bane.

Kaartik, Rohit Ke Toofaan Mein Ude Daredevils https://www.angrejinews.com/pic/4996