'Kaanoon Mantri Ke Isteefe Ki Maang Galat

India »

'Kaanoon Mantri Ke Isteefe Ki Maang Galat

vishesh samvaadadaata. Nai Delhi koyala ghotaale ki jaanch mein CBI report ko prabhaavit karne se jude maamale mein kaanoon mantri ashvini Kumar ke isteefe ki vipaksh ke maang ko sarkaar aur Congress ne khaarij kiya hai. Sansadeeya kaarya mantri kamal naath ne somvaar ko kaha ki CBI ke yah kehne ke baad ki us par kisi tarah ka koi dabaav naheen daala gaya hai, kaanrun mantri ke isteefe ka savaal hi naheen uthata. Unka kehna tha ki agar koi khud hi apne oopar kisi tarah ke dabaav ki baat se inkaar kar raha ho to aap ise kaise mudda bana sakte hain? Gaurtalab hai ki Rajyasabha mein somvaar ko yah maamala kaafi pramukhata se utha. Vipaksh is maamale ko lekar na sirf kaanoon mantri ko sadan mein bulaane par jor deta raha, vaheen usaki maang thi ki is maamale mein pradhaanamantri aur kaanoon mantri sadan mein bayaan dein. Congress ne ek baar fir vipaksh ki maang ko yah kehte hue khaarij kar diya ki pehle CBI ko apna halafnaama daakhil karne deejiye. Fir dekha jaaega. CBI is maamale mein aagaami 26 April ko Supreme court mein apna halafnaama daakhil karegi.

'Kaanoon Mantri Ke Isteefe Ki Maang Galat https://www.angrejinews.com/pic/6474