Kaanoon Mantri Aur PMO Ko Dikhaai Status Riport CBI

Breaking » Friday, April 26, 2013

Nai Delhi. . Koyala ghotaale mein CBI ki status report dikhaane ke maamale mein CBI ke halafanaame ne kendra sarkaar ki pol khol di hai. CBI ne shukravaar ko Supreme court mein halafnaama dete hue maana hai ki status report ko kaanoon mantri aur peeemao ko dikhaaya gaya tha. Gaurtalab hai ki isse pehle sarkaari vakeel hareen raaval ne Supreme court ko bataaya tha ki report kisi se bhi share naheen ki gayi. CBI ke is halafanaame par sarkaar se koi javaab dete hue naheen ban raha hai. Kaanoon mantri ashvini Kumar halafanaame par media ke savaalon se bachakar bhaag gaye. Mool report mein badlaav ka jikr naheen: CBI ke director Ranjit sinha ki or se Supreme court mein diye gaye is halafanaame mein mool report mein badlaav ka jikr naheen kiya gaya hai. Do pannon ke halafanaame mein bas itna jikr hai ki ki status report kaanoon mantri ashvini Kumar ke alaava peeemao aur koyala mantraalaya mein jauint sekretari ko bhi dikhaai gayi thi. CBI director ne status report aage se kisi neta ko na dikhaane ka vaada kiya hai. 'Sarkaar ke saath baithakar banaaya halafnaama': Udhar, varishth vakeel prashaant bhooshan ne CBI ke is halafanaame ko dilchasp bataate hue sarkaar ko bachaane ki koshish karaar diya hai. Unhonne kaha ki ismein jitni baatein bataai gayi hain, usase jyaada chhipaai gayi hain. Prashaant bhooshan ne kaha ki is report mein yah kaheen naheen bataaya gaya hai ki sarkaar ke logon ke report dekhne ke baad ismein kya badlaav kiya gaya. Unhonne kaha ki CBI director ne sarkaar ke logon ke saath baithakar yah halafnaama taiyaar kiya hai. Gaurtalab hai ki 12 March ko hui sunavaai ke dauraan report ke kuchh pairaagraaf padhne ke baad Supreme court yah tay karna chaahata tha ki jaanch report mein kisi tarah ka badlaav naheen kiya gaya hai. Aise mein court ne inadaayarekt tareeka apnaate hue CBI director ko is maamale mein aifidevit file karne ka aadesh diya.