Kaanoon Ko Sahi Se Laagoo Kara Baal Majadoori Ko Khatm Kar Sakta Hai Bhaarat Sarkaari Adhikaari

Business »

Kaanoon Ko Sahi Se Laagoo Kara Baal Majadoori Ko Khatm Kar Sakta Hai Bhaarat Sarkaari Adhikaari

Noida, 12 June (bhaasha) Bhaarat mein uchit tareeke se kaanoon ka kriyaanvayan kar tatha logon ke beech jaagrukta failaakar baal majadoori ko samaapt kiya ja sakta hai. Ek varishth adhikaari ne Budhvaar ko ye baatein kaheen. shram evam rojagaar mantraalaya ke sachiv heeraalaal samariya ne kaha, ''Bachchon ko majadoori se bachaane ke liye kaanoon hain. Baal shram nishedh evam niyman adhiniyam hai, peinsil portal hai, lekin iske baad bhi ham dekhte hain ki kheton mein, glaas banaane vaale sanyantron mein, kaarapet kaarkhaanon mein, gharon mein bachche kaam kar rahe hain. Isse saabit hota hai ki ham kaheen na kaheen jameeni star par kaam naheen kar pa rahe hain, kaheen na kaheen ham kaanoon laagoo kara paane mein asafal ho rahe hain. '' antararaashtreeya baal shram nishedh diwas ke mauke par aayojit ek kaaryakram mein unhonne kaha ki baal majadoori kar rahe bachchon ki sankhya mein ullekhaneeya kami aayi hai lekin ise poori tarah se samaapt karne ke liye abhi aur prayaas karne ki jaroorat hai. unhonne saamaajik sangathanon, swayamsevi sangathanon, aam logon ko is disha mein aage aane ko kaha aur baal majadoori kara rahe logon ke khilaaf sarkaar ki madad karne ko kaha. Unhonne kaha ki traffic signal, dukaan ya gharon mein bachchon ko kaam karte dekhein to unhein school jaane ke liye protsaahit karein. mantraalaya ki sanyukt sachiv kalpana raajasinghot ne is mauke par kaha ki peinsil portal par koi bhi shikaayat kar sakta hai aur ismein shikaayat karne vaale ki pehchaan gopaneeya rakhi jaati hai.

Kaanoon Ko Sahi Se Laagoo Kara Baal Majadoori Ko Khatm Kar Sakta Hai Bhaarat Sarkaari Adhikaari https://www.angrejinews.com/pic/280797