'Kaamachor Baabuon Ko Kam Milegi Sailari

Business » Tuesday, April 23, 2013

aman sharma nai Delhi. . Sarkaar sust baabuon ko durust karne ki taiyaari mein hai. Cabinet sekretari ajit seth ne performance aprejal system ko review karne ka vaada kiya hai. Vaheen, parsanel sekretari pi. Ke. Mishra aise system ki vakaalat kar rahe hain, jisse kaamachor baabuon ko kam sailari milegi. Ravivaar ko civil services de par desh ke top byoorokrets se baat karte hue seth ne afsos jataaya ki performance aprejal ka abhi vaala system theek naheen hai. Unhonne kaha, 'Is system par feedabaik mila-jula raha hai. Har kisi ko kareeb poore number milte hain. Agar har koi laajavaab kaam kar raha hai, to iska matlab hai ki koi bhi aisa naheen kar raha hai. Ham byoorokrets ke aprejal ke liye behtar system laaenge. ' isi conference mein faurmar cabinet sekretari naresh chanda ne kaha ki 90 feesadi byoorokrets ko aprejal mein shaanadaar bataaya jaata hai. Iska matlab yah hai ki ham apne hi banaae system ke gulaam ho gaye hain. Ikanaumik times ne isi maheene yah khabar di thi ki sarkaar ka enual performance asesameint report (epeeeaar) system is tarah se banaaya gaya hai ki har byoorokret ko 10 mein se 9 number milte hain. Byoorokrets ka aprejal karne vaalon se aamana-saamana naheen hota. Is system se unki sailari par koi aanch naheen aati. Conference mein pi ke mishra ne bhi is maamale mein apni rai rakhi. Unhonne kaha ki Bhaarat ko iske liye aisa system banaane ki jaroorat hai, jismein koi byoorokret agar performance stainrdads par khara naheen utarata, to use doosare sahakarmiyon ke mukaabale kam sailari milni chaahiye. Unhonne kaha, 'Mainne haal hi mein Brazil ka system dekha, jahaan sarkaari enplauyi ki 60 feesadi sailari usaki kaabiliyt par dipeind karti hai. Sirf 40 feesadi hissa fix hota hai. Iske peechhe soch yah hai ki agar aap theek se kaam naheen karte, to aapko kam sailari milni chaahiye. Bhaarat mein dikkat yah hai ki yahaan pata naheen hota ki koi byoorokret kisi kaam ko karne laayak hai ya naheen. Isliye humne sarkaari enplauyeej ki kaabiliyt ki jaanch ka faisala kiya hai. Aisa system banaaya jaana chaahiye, jismein byoorokret ki kaabiliyt ke aadhaar par use sailari di jaae. America mein 20 saal pehle iski shuruaat hui thi. Humne do sarkaari dipaartameint mein iske liye pilot praujekt shuroo kiya hai. '