Kaajol Ki Daant Ajay Ko Pasand Naheen

Movies » Monday, April 1, 2013

Mumbai. . Ek vakt baulivud par raaj karne waali kaajol is baat se khush hain ki unhonne apne career se private life ko praayauriti di. Do bachchon ki maan kaajol ka kehna hai ki vah ek sakht maan hain aur jab bhi ve apne bachchon ko daantati hain, to unke pati aur baulivud aiktar Ajay devagan ko yah bilkul pasand naheen aata. Kaajol ne kaha, 'Ham donon mein se main jyaada sakht hoon. Jab bhi Ajay ki maujoodagi mein main bachchon ko daantati hoon, to Ajay ko achha naheen lagta. Mujhe sakht hona hi padta hai, kyonki jyaadaatar vakt main bachchon ke saath ghar par hoti hoon. Jab Ajay hamaare saath hote hain, tab khelne mein hi vakt beetata hai. ' shaadi ke baad is 38 saal ki aiktres ne apne kaam se kinaara kar liya tha, jabki isse pehle unhonne kai bade stars ke saath filmein keen aur apne kaam se logon ka dil jeeta. Shaadi ke baad unki pramukh filmon mein 'Fana', 'You mi aur ham', 'Maai name is Khan' aur 'Vi aar faimili' hain. Kaajol 'Kal ho na ho', 'Kabhi alvida na kehna', 'Om shaanti om', 'Rab ne bana di jodi' aur 'Student of the iyar' jaisi kai filmon mein guest rol mein bhi dikheen. Unhonne kaha, 'Jab meri shaadi hui aur bachche hue, tab mujhe bachchon ko vakt dena tha. Isliye mainne kaam se kinaara kiya. Career ki jagah meri private life praayauriti ban gayi aur isse main bahut khush hoon. ' filmi prastaav ke alaava kaajol ki maang kai braind ke beech bani hui hai. TV ke kai aids mein vah dikhti rahati hain. Vah kinbarale-Clark leevar ki braind bhi aimbesadar hain.