KKR Ko Raundakar Hyderabad Knockout Round Mein

Cricket »

KKR Ko Raundakar Hyderabad Knockout Round Mein

Hyderabad. . IPL ke aakhiri league match mein sunrisers Hyderabad ne paarthiv Patel (47) aur shikhar dhavan (42) ki dhamaakedaar paariyon se Kolkata night Riders (kekeaar) ko 5 wicket se raundakar knockout round mein jagah bana li. Tournament se pehle hi baahar ho chuke kekeaar ne Yusuf pathaan (49 naabaad) toofaani paari ke dam par 130 run banaae the. Hyderabad ne 18.5 over mein 5 wicket khokar yah score haasil kar liya. Hyderabad ki taraf se di saimi ne not-out 17 run banaae. Antim chaar mein pahunchane waali baaki teemon mein chennai Superkings, Mumbai Indians aur Rajasthan Royals shaamil hain. (match ka poora skorakaard dekhne ke liye yahaan klik karein) isse pehle pathaan ne 29 geind mein teen chhakkon aur teen chaukon ki madad se naabaad 49 run ki paari khelkar team ko 130 run ke sammaanajanak score tak pahunchaane mein aham bhoomika nibhaai. Vah 168.96 ke strike rate ke saath kekeaar ke ekamaatr ballebaaj rahe jiska strike rate 100 se adhik raha. Sunrisers ki or se Dale sten ne 24 run dekar do wicket chatakaae. Karan sharma, amit mishra aur aanand raajan ne kifaayati geindabaaji karte hue kramash: 15, 20 aur 22 run dekar ek ek wicket haasil kiya. Gat champion kekeaar pehle hi knockout ki daud se baahar ho chuka hai jabki sunrisers ko agar sheersh chaar mein jagah banaani hai to aaj har haal mein jeet darj karni hogi. Toss jeetkar ballebaaji karne utare kekeaar ki shuruaat kaafi dheemi rahi. Team ne powerplay ke chhah over mein sirf 33 run jode aur is dauraan salaami ballebaaj manavindar bisla ka wicket ganvaaya. Tisaara parera ne bisla ko kaptaan Cameron vaait ke haathon catch karaaya. Unhonne 18 geind mein teen chaukon se 15 run banaae. Gautam gambhir ko aath run ke score par vaait ne jeevanadaan diya lekin yah kaafi mushkil mauka tha. Gambhir haalaanki iska faayda naheen utha paae aur gairjaroori run lene ki koshish mein run out hokar pavilion laute. Kekeaar ke kaptaan ne 17 geind mein 10 run banaae. Iyaun morgan bhi nau geind mein nau run banaane ke baad karan sharma ki geind par LBW out hue jisse kekeaar ka score 11vein over mein teen wicket par 59 run ho gaya. Jacques Kallis ne Darren saimi ki geind par lagaataar do chauke maare lekin unhonne bhi kaafi dheemi ballebaaji ki. Sten ne unhein jab shikhar dhavan ke haathon catch karaaya tab tak is all-rounder ne 29 geind mein sirf 24 run banaae the. Amit mishra ne agale over mein aaraen ten doitshe (01) ko LBW out karke kekeaar ko paanchavaan jhatka diya. Pathaan ne isi over ki antim geind par do run ke saath 17 over mein team ke ranon ka shatak poora kiya. Pathaan ne ek chhor sambhaale rakha. Unhonne parera par do chauke maarane ke baad isi tej geindabaaj ke sir ke oopar se chhakka bhi jada. Unhonne sten aur aanand raajan par chhakke jadkar team ko sammaanajanak score tak pahunchaaya. Kekeaar ne antim teen over mein 30 run jode.

KKR Ko Raundakar Hyderabad Knockout Round Mein https://www.angrejinews.com/pic/9055