Jyaada 'Udne Vaalon Jara Hoshiyaar

India »

Jyaada 'Udne Vaalon Jara Hoshiyaar

Joseph barnaad. Nai Delhi inakam tax vibhaag ki najar ab un logon par hai, jo jyaada havaai yaatra karte hain, magar aamdani kam bataakar inakam tax naheen dete. Ya aamdani ki tulana mein kam tax dete hain. Sootron ke anusaar inakam tax vibhaag ne airlines kanpaniyaane se aise logon ki soochi maangi hai, jo jyaada havaai safar karte hain. Iske saath hi usane sarkaar ko sujhaav diya hai ki havaai yaatra ki tikt mein us vyakti ki photo aur pain number bhi darj kiya jaae, taaki havaai yaatra karne vaalon ka ek deta taiyaar kiya ja sake. Baad mein iske jariye unki aamdani ke baare mein byaura jutaaya ja sakega. Vitt mantraalaya is sujhaav par gambheerta se vichaar kar raha hai. Kya hai mansha : Inakam tax vibhaag ke adhikaariyon ka kehna hai ki aise kai maamale saamane aae hain ki log saal mein kai baar havaai yaatra karte hain, magar inakam tax ke daayare mein naheen aate. Ya fir unhonene apni aamdani return mein bahut hi kam bataaya huaa hai. Aise maamalon mein inakam tax vibhaag yah jaanane ki koshish karega ki havaai yaatra ke liye unke paas paisa kahaan se aaya. Kya unki aamdani ka anya srot bhi hai. Agar haan to kya us par tax diya jaata hai? Vibhaag ab kamar kasake inakam tax peyars ka daayara badhaane mein jut gaya hai. Maujooda samay mein maatr 4 karod 82 lakh log hi inakam tax dete hain. Vibhaag ke adhikaariyon ka kehna hai ki agar koi saal mein paanch ya das baar havaai yaatra karta hai to iska matlab hai ki usane aane jaane mein kareeb 50 hajaar rupaye se ek lakh rupaye kharch kiye hain. Aisa vahi vyakti kar sakta hai, jiski aamdani chaar, paanch lakh ya usase jyaada ho. Vibhaag aise vyakti ke baare mein jaanch karega. Agar vah inakam tax naheen deta hai to usase jurmaana bhi vasool karega. Sarkaar ki majaboori : Sarkaar ka pramukh lakshya ab tax kalekshan badhaana hai. Maujooda samay mein sarkaar ne paanch lakh karod rupaye daayarekt tax ke jariye ekatr karne ka lakshya rakha hai. Yah lakshya poora karna mushkil lag raha hai. Agale saal sarkaar is lakshya ko 20 se 30 pratishat badhaana chaahati hai. Aise mein use na keval tax chori ko rokana hoga, saath hi tax peyars ki sankhya bhi badhaani hogi. Inakam tax vibhaag isi kaam mein jut gaya hai

Jyaada 'Udne Vaalon Jara Hoshiyaar https://www.angrejinews.com/pic/3585