Justice Khehar Ne Sahaara Maamale Ki Sunavaai Se Khud Ko Alag Kiya

Breaking »

Justice Khehar Ne Sahaara Maamale Ki Sunavaai Se Khud Ko Alag Kiya

Police hiraasat mein subrat Roy (file photo) Police hiraasat mein subrat Roy (file photo) Nai Delhi: Supreme court mein sahaara samooh se sambandhit maamale ki sunavaai mein us samay achaanak mod aa gaya, jab nyaayaadheesh JS khehar ne swayam ko is maamale ki sunavaai se alag kar liya. Iske baad ek nai peeth gathit kar di gayi. Supreme court ke up rajistraar ne guruvaar ko jaari ek vigyapti mein kaha, nyaayamoorti JS khehar dvaara 6 May, 2014 ko likha gaya ek patra 7 May ko pradhaan nyaayaadheesh ke samaksh rakha gaya. 7 May ko hi pradhaan nyaayaadheesh ne sahaara samooh se sambandhit maamale ki sunavaai karne ke liye ek doosare peeth ka gathan kar diya. vigyapti ko adhikaari ne ek samvaadadaata sammelan mein padha, jismein kaha gaya hai ki nyaayamoorti khehar ne patra us din likha, jis din unhonne aur nyaayamoorti KS Radhakrishnan ne sahaara samooh pramukh subrat Roy ki or se daayar ek yaachika par nirnaya kiya. 14 May ko avakaash grahan karne vaale nyaayamoorti Radhakrishnan ne record par yeh baat kahi ki sahaara maamale mein peeth par kaafi dabaav tha. Supreme court ke adhikaari ne haalaanki nai peeth ki vistrut jaankaari naheen di, jo ki ab sahaara samooh se sambandhit yaachikaaon par sunavaai karegi.

Justice Khehar Ne Sahaara Maamale Ki Sunavaai Se Khud Ko Alag Kiya https://www.angrejinews.com/pic/50640