June Mein Yooes Jaaenge Modi

Breaking »

June Mein Yooes Jaaenge Modi

PTI . Ahmedabad ameriki saansadon aur kaarobaariyon ke ek haai profaail deligeshan ne guruvaar ko Gujarat ke mukhyamantri Narendra Modi se mulaakaat ki aur unhein America aane ka nyota diya. Deligeshan ke sadasyon ne raajya ki arthavyavastha ko badalkar rakh dene ke liye Modi ki taareef ki. Band kamre mein ek ghante se adhik samay tak hui is baatcheet mein 18 sadasyon vaale deligeshan ki aguaai ameriki Congress ke Republican meinbar aaraun shauk ne ki. Unhonne bataaya ki humne mukhyamantri ko apne yahaan aane ka nyota diya hai taaki vah apne raajya mein haasil upalabdhi ko hamaare saath saajha kar sakein. Kya yah nyota ameriki prashaasan ki or se Modi par lagi visa paabandiyon mein badlaav ka sanket hai, is savaal par aaraun ka kehna tha ki yakeenan yah masala ameriki prashaasan se juda hai, par ham Republican saansadon ke saath milkar is masale par prashaasan se baatcheet kareinge. Unhonne kaha ki ham Modi ke kaam se prabhaavit hain. Khaaskar unka bayaan 'Minimm gavarnameint, maiksimm gavarneins' se ham prabhaavit hain. Deligeshan ke sadasya enaaaraaai bijnesamain shalabh Kumar ka kehna tha ki hamein June mein Modi ke America aane ki ummeed hai. Kumar BJP ke pravaasi prakoshth ke sadasya hain. Deligeshan ki Bhaarat yaatra ke peechhe bhi unka bada yogadaan raha hai. Haalaanki Modi ke daftar ne peras vigyapti mein Modi ko mile nyote ka jikr naheen kiya hai. Gaurtalab hai ki varsh 2012 mein Gujarat vidhaanasabha chunaav mein Modi ki lagaataar chauthi jeet ke baad shauk ne ameriki pratinidhi sabha mein Modi ko badhaai dete hue bayaan diya tha. Modi ko varsh 2002 ke dangon ke baad America ki or se visa dene se inkaar kar diya gaya. Deligeshan BJP ke pravaasi prakoshth ke 'Vaishvik samudaaya tak pahunch ke kaaryakram' ke tahat 'Logon ke beech sampark aur raajanaya' ko badhaava dene ke liye Bhaarat ke daure par hai. Gujarat ke saath hi yah dal Bengaluru, tirupati, nai Delhi, Agra, Udaipur, Jaipur aur amrutasar ki yaatra bhi karega. Pratinidhimandal senior BJP neta Lal Krishna Advani, adhyaksh Rajnath Singh aur Loksabha mein vipaksh ki neta Sushma Swaraj se bhi mulaakaat karega.

June Mein Yooes Jaaenge Modi https://www.angrejinews.com/pic/3735