July Se Sabhi Nae ATM 'Bolne Vaale Hon RBI

Business »

July Se Sabhi Nae ATM 'Bolne Vaale Hon RBI

Mumbai reserve bank ne Budhvaar ko kamarshal bankon se kaha ki ve July 2014 se lagaae jaane vaale sabhi ATM mein graahakon ke liye bolte (odibl) nirdesh tatha brel ki-pad upalabdh karaaen. Isse pehle 2009 mein reserve bank ne bankon ko salaah di thi ki bank shaakhaaon tatha ATM viklaang logon ke anukool hon tatha nae ATM mein kam-se-kam ek tihaai brel ki-pad ke saath sune ja sakane vaale nirdesh de sakein. Reserve bank ne ek adhisoochana mein kaha, 'Iseeliye yeh fir se doharaaya jaata hai ki bankon ek July 2014 se jo bhi ATM lagaaen, usamein brel ki-pad ho aur vah bolne vaala ho. ' ismein kaha gaya hai ki bankon ko sabhi maujooda ATM ko brel ki-pad ke saath bolne vaala ATM mein tabdeel karne ke liye khaaka taiyaar karna chaahiye aur iski sameeksha samay-samay par ki ja sakti hai. RBI ne kaha ki sabhi maujooda ATM va bhavishya mein lagne vaale ATM mein rainp hon, taaki veelacheyar ya viklaang vyakti aasaani se vahaan pahunch sake. Saath hi ATM ki oonchaai itni ho jisse veelacheyar par baitha vyakti aasaani se usaka upayog kar sake. RBI ne bankon se un logon ke liye sabhi bank shaakhaaon mein maigneefaaing glaases ki suvidha upalabdh karaane ko kaha hai jinhein kam dikhaai deta hai.

July Se Sabhi Nae ATM 'Bolne Vaale Hon RBI https://www.angrejinews.com/pic/51284