Judge Saahab, Meri Beti Ko Insaaf Dilaaie

Movies »

Judge Saahab, Meri Beti Ko Insaaf Dilaaie

saaket court : Delhi gang rape case mein shukravaar ko 23 saal ki peedit ladki ki maan court mein pesh hui. Ladki ki maan ne court mein apni beti ko insaaf dilaane ki maang ki. Mahila ne judge ke saamane haath jodkar kaha judge saahab meri beti ko insaaf dilaaie. Mahila ke bayaan darj hone ke baad ek aaropi ke vakeel ne yah kehte hue gavaah se jirah karne se inkaar kar diya ki vah pehle se gahre sadme mein hain. Vakeel ne adaalat se kaha ki vah ek maan ka dard samajhte hain. Maamale ki sunavaai kar rahe fast track court ke adishnal session judge yogesh khanna ki adaalat ne baaki teen aaropiyon ke vakeelon se narami ke saath vahi savaal poochhane ke liye kaha, jo jaroori hai. Adaalat ne vakeelon se kaha ki unase aisa koi savaal na poochha jaae jisse unke dil ko thes pahunche. Delhi gang rape case mein police ne shukravaar ko peedit ladki ki maan ko bataur gavaah adaalat mein pesh kiya. Mahila ne rundhe gale se adaalat se apni beti ke liye insaaf maanga. Mahila judge ke saamane haath jodkar khadi ho gayi. Mahila ne adaalat se kaha ki judge saahab meri beti ko insaaf dilaaie. Aaropi mukesh ke vakeel vi. Ke. Aanand ne adaalat se kaha ki vah peedit ladki ki maan se jirah naheen kareinege. Kyonki vah pehle se gahre sadme mane hain. 23 saal ki peedit ladki ki maan ne adaalat ko bataaya ki 16 December 2012 ko shaam 4 baje vah ghar se nikli thi. Ladki ne use bataaya tha ki vah khareedaari karne ke saath-saath moovi bhi dekhegi. Gavaah ne adaalat ko bataaya ki vah apna mobile phone bhi saath le gayi thi. Raat 9 baje tak jab vah naheen lauti to unhein chinta sataane lagi. Ladki ki maan ne adaalat ko bataaya ki usane apni beti ke mobile par call ki. Usaka mobile svich of mila. Usane yah baat apne pati ko bataai to unhein chinta hone lagi. Gavaah ne adaalat ko bataaya ki raat 11: 15 ke kareeb unke paas PCR se soochana mili ki unki ladki ke saath koi ghatna hui hai. Police vaalon ne unhein turant Safdarjung hauspitl pahunchane ke liye kaha. Is par vah apne pati ke saath hauspitl pahunchi. Us vakt unki beti imarajeinsi mein bharti thi. Doctor usaka operation karne ki baat kar rahe the. Unhonne yah bhi bataaya ki 26 December ko unki beti ko ilaaj ke liye Singapore bheja gaya tha. Vah pati aur do beton ke saath Singapore gayi thi. 27 December ko ve Singapore pahunch gaye the. 29 December ko unki beti ki maut ke baad 30 December ko ve India laut aae the. Gavaah ke bayaan khatm hone ke baad adaalat ne bachaav paksh ke teenon vakeelon ko hidaayat di ki ve gavaah ke saath narami ke saath pesh aaen. Adaalat ne vakeelon se kaha ki ve gavaah se jaroori savaal poochhe. Gavaah se aise savaal na poochhe jaae jisse gavaah ko kisi tarah se thes pahunche. Iske baad vakeelon ne gavaah se jirah bhi ki.

Judge Saahab, Meri Beti Ko Insaaf Dilaaie https://www.angrejinews.com/pic/8922