Joshi Ne Akhilesh Par Lagaaya Bhedabhaav Ka Aarop

Breaking »

Joshi Ne Akhilesh Par Lagaaya Bhedabhaav Ka Aarop

Lucknow. . Bhaarateeya janta party (BJP) ke varishth neta aur Varanasi se saansad murali manohar Joshi ne UP ke mukhyamantri Akhilesh Yadav ko patra likhkar desh ki saanskrutik rajdhani kahi jaane waali kaashi ke saath ho rahe bhedabhaavapoorn vyavahaar ko lekar chinta jataai hai. Joshi ne CM ko likhe patra mein kaha hai ki samaachaar-patron ke maadhyam se pata chala ki uttar pradesh ke kuchh jilon ko ativishisht jilon ka darja praapt hai aur vahaan anya jilon ki tulana mein adhik naagrik suvidhaaen di ja rahi hain. Udaaharan ke taur par un jilon mein 24 ghante bijli muhaiya karaai ja rahi hai. Joshi ne apne patra mein likha hai, 'Main yah samajh paane mein asamarth hoon ki vahi janapad kyon ativishisht hain, jahaan Congress ya samaajavaadi party ke janapratinidhi hain. Uttar pradesh ki janta yah jaanana chaahati hai ki ativishisht janapadon ke chayan ke maapdand kya hain? '' unhonne apne patra ke maadhyam se kaha hai ki kya janapadon ka aisa vibhaajan Doctor Ram manohar lohiya ko sveekaar ho sakta tha? Raajya sarkaar ki yah neeti saamantavaadi maanasikta ki parichaayak to hai hi, bhaarateeya samvidhaan ki mool bhaavana ke bhi pratikool hai. Varanasi ki aitihaasikta ki yaad dilaate hue Joshi ne apne patra mein kaha hai, 'Varanasi desh hi naheen, vishv ka sabse praacheen aur jeevit saanskrutik nagar hai. . . ' Joshi ne banaaras ke bunakaron ki samasyaaon ki or bhi CM ka dhyaan atraikt kiya hai. Unhonne apne patra mein kaha hai ki banaaras mein bunakaron ki achhi khaasi sankhya silk evam kaaleen vyavasaaya se judi hai aur unke parishram se Bhaarat ko videshi mudra bhi milti hai, lekin sarkaar ki bijli neeti ki vajah se yah vyavasaaya chaupat hone ki kagaar par hai.

Joshi Ne Akhilesh Par Lagaaya Bhedabhaav Ka Aarop https://www.angrejinews.com/pic/5731