Jokovich Nauveen Baar Wimbledon Semifinal Mein

Sports »

Jokovich Nauveen Baar Wimbledon Semifinal Mein

Landanasheersh vareeyata praapt aur chaar baar ke champion novaak jokovich ne Budhvaar ko yahaan all England club mein apni 70veen jeet darj karke nauveen baar Wimbledon tennis toornameint ke semifinal mein pravesh kiya. Vishv ke number ek khilaadi ne pehle set mein ek baar service ganvaane ke baad achhi vaapasi ki tatha Belgium ke 21veen vareeyata praapt David gofin ko 6-4, 6-0, 6-2 se haraaya. Jokovich ko final mein jagah banaane ke liye Spain ke raabarto baatista aagut se bhidna hoga. Is 23veen vareeyata praapt khilaadi ne Argentina ke 26vein vareeya guido pela ko 7-5, 6-4, 3-6, 6-3 se paraajit kiya. Jokovich ko shuroo mein thoda sangharsh karna pada lekin ek baar laya haasil karne ke baad unhonne apne pratidvandvi ke prati nirmamata dikhaai. Unhonne aakhiri 17 mein se 15 game jeete aur 36veen baar kisi grandslam toornameint ke semifinal mein jagah banaai. Unhonne baad kaha, 'Usane achhi shuruaat ki aur baseline se khel par haavi ho gaya. Agar mainne pehla set ganva diya hota to cheejein alag ho sakti thi lekin main doosare aur teesare set mein apne pradarshan se bahut khush hoon. ' Jokovich ne kaha, 'Mujhe teesare daur mein (hubart harakaartj ke khilaaf) kada match khelna pada. Isko chhodkar mainne seedhe seton mein jeet darj ki aur poore toornameint mein ab tak achha pradarshan kiya hai. Gofin ne achhi shuruaat ki aur jokovich ki service todkar 4-3 se badhat haasil ki lekin 16 baar ke grandslam vijeta ne iske baad lagaataar nau game jeete. Doosare set mein to unhonne gofin ko apni service par keval chaar ank banaane diye. Teesare set mein jokovich ne shuroo mein break point lekar 3-1 se badhat banaai aur fir aasaani se match jeetkar semifinal mein kadam rakha.

Jokovich Nauveen Baar Wimbledon Semifinal Mein https://www.angrejinews.com/pic/286013