Jetali Ne Myoochual Fund Udyog Aur Kar Daataaon Ko Raahat Dene Ki Ghoshana Ki

Breaking »

Jetali Ne Myoochual Fund Udyog Aur Kar Daataaon Ko Raahat Dene Ki Ghoshana Ki

Nai Delhi: sarkaar ne rojagaar srujan ke liye audyogik gatividhiyon ko badhaava dene ke liye kam kar ke dhaanche ko badhaava dene ke saath myoochual fund udyog aur kar daataaon ko kuchh raahat dene ki ghoshana ki. Loksabha mein vitt vidheyak par charcha ka javaab dete hue vitt mantri arun jetali ne kaha ki aisa karne se ek or jahaan audyogik gatividhiyon ka badhaava milega, vaheen isse rojagaar ke avsar badheinge aur saamaajik kalyaan ki gatividhiyon ko badhaava diya ja sakega. jetali ne kaha ki det myoochual fund par kar ki dar ab 1 April 2014 ki bajaae 10 July 2014 se laagoo hogi. der se return daakhil karne aur pratidin ke aadhaar par jurmaana bharne vaale kar daataaon ko kuchh raahat pradaan karte hue jetali ne kaha ki keindreeya pratyaksh kar board ko in maamalon mein apne vivek par faisala lene ka adhikaar diya gaya hai. unhonne kaha ki aise maamalon mein jinmein prakriya pehle hi shuroo ho chuki hai, unamein niptaan aayog ki bhoomika ko badha diya gaya hai. vitt mantri ne charcha mein bhaag lene vaale apni hi party ke sadasya nishikaant dube ke is aashanka ko nirmool bataaya ki kaalaadhan ke baare mein sarkaar ne jo neeti apanaayi hai usase jindagi bhar bhi uske lautane ki ummeed naheen ki ja sakti. unhonne kaha, main unki deerghaaayu ki kaamna karta hoon, lekin saath hi unhein bharosa dilaata hoon ki unhein bahut lambe samay tak prateeksha (videshon se kaalaadhan laane ki) naheen karni padegi.

Jetali Ne Myoochual Fund Udyog Aur Kar Daataaon Ko Raahat Dene Ki Ghoshana Ki https://www.angrejinews.com/pic/58326