Jetali Ne Dilaaya Mahangaai Ghataane, Vikaas Badhaane Ka Bharosa

Business »

Jetali Ne Dilaaya Mahangaai Ghataane, Vikaas Badhaane Ka Bharosa

Nai Delhi desh ke nae vitt mantri arun jetali ne bharosa dilaaya hai ki vah mahangaai par lagaam lagaane, ikaunami mein niveshakon ka bharosa lautaane aur ghaate ko kam karte hue vikaas ko badhaava dene ke liye kaam kareinge. Somvaar ko cabinet mantri shapath lene vaale jetali ne mangalvaar ko desh ke nae vitt mantri ke taur par kaaryabhaar sanbhaal liya. Kaaryabhaar sambhaalne ke baad media se baatcheet karte hue jetali ne kaha ki desh ki arthavyavastha mushkil daur se gujar rahi hai. Unhonne kaha ki arthavyavastha ke saamane chunautiyaan spasht hain. Vikaas ko fir se patari par laane, mahangaai ko rokane aur raajakosheeya majabooti par jor hoga. Jetali ko raksha mantri ka bhi kaam saunpa gaya hai. Haalaanki unhonne kaha ki vah asthaayi taur par raksha mantraalaya sanbhaal rahe hain. Vitt mantri ke taur par apni praathamiktaaon ka jikr karte hue jetali ne kaha, unhein ehsaas hai ki vah mushkil samay mein ikaunami ki baagdor sanbhaal rahe hain. Unhonne kaha ki Modi sarkaar ko mile spasht janaadesh mein ek aasha ki bhaavana chhipi hai. . . Aise paulitikl badlaav se global va ghareloo niveshakon mein achhe sanket gaye hain. Unhonne kaha ki agale do maheenon mein teji se faisale lekar in sanketon ka laabh uthaaya ja sakta hai. Jetali ne kaha ki sarkaar ki poori paulisi kuchh dinon mein saaf ho jaaegi. Mahangaai ghataane aur vikaas ko aage badhne ke beech praathamikta ke savaal par jetali ne kaha ki donon ke beech ek 'Baileinsing aikt' ki jaroorat hai.

Jetali Ne Dilaaya Mahangaai Ghataane, Vikaas Badhaane Ka Bharosa https://www.angrejinews.com/pic/51859