Jetali Jeeesati Par Jald Hi Raajyon Ke Vitt Mantriyon Se Milne Ke Ichhuk

Breaking »

Jetali Jeeesati Par Jald Hi Raajyon Ke Vitt Mantriyon Se Milne Ke Ichhuk

Nai Delhi: vittamantri arun jetali ne aaj vastu evam seva kar (jeeesati) par kadam aage badhaane ke liye raajyon ke vitt mantriyon ke saath jald se jald baithak karne ki ichha jaahir ki hai. sootron ne bataaya ki unhonne raajasv vibhaag ke adhikaariyon se bhi kaha ki ve unhein is maamale mein alag prastuti ke jariye jeeesati se jude ghatnaakramon ke baare mein avagat karaaen. nae vitt mantri ke saamane raajasv sachiv Rajiv takroo ki prastuti ke dauraan adhikaariyon ne unhein raajasv ke morche par aa rahi samasyaaon aur chunautiyon se avagat karaaya. sootron ke mutaabik, jetali ne jeeesati ke maamale mein raajyon ke vitt mantriyon se mulaakaat ke prati ichha jaahir ki. Apratyaksh karon ke kshetr mein is nai pranaali ko laagoo karne ka prastaav hai ismein utpaad, seva aur vibhinn sthaaneeya kar samaahit ho jaaenge. Samprag sarkaar ne 2011 mein Loksabha mein ek samvidhaan sanshodhan vidheyak pesh kiya tha taaki jeeesati ka raasta saaf ho sake. Ismein keindreeya aur raajya ke star par lagne vaale apratyaksh kar samaahit ho jaaenge. sattaadhaari party bhaajapa ne apne ghoshanaapatr mein kaha tha ki raajya sarkaaron ki chintaaon ko door karte hue unhein jeeesati ke liye ek manch par laaya jaaega. jeeesati ke alaava jetali ne raajasv adhikaariyon se kar sangrah lakshya praapt karne se judi naakaami ki vajahon ke baare mein bhi baat ki. sootron ke mutaabik, adhikaariyon ne raajasv sangrah mein kami ke liye audyogik gatividhiyon mein susti aur aayaat mein narami ko jimmedaar thaharaaya. audyogik utpaadan soochakaank (IIP) 2013-14 ke dauraan lagbhag pichhle star par raha aur ismein 0.1 pratishat ki maamooli giraavat darj ki gayi.

Jetali Jeeesati Par Jald Hi Raajyon Ke Vitt Mantriyon Se Milne Ke Ichhuk https://www.angrejinews.com/pic/51994