Jet Ko Ab Tak Ka Sabse Bada Ghaata, Laagat Ghataane Ke Upaaya Pesh

Business »

Jet Ko Ab Tak Ka Sabse Bada Ghaata, Laagat Ghataane Ke Upaaya Pesh

Mumbai jet Airways ko pichhle vitt varsh mein 4,129 karod rupaye ka ekeekrut ghaata hua hai. Yeh kisi bhi Indian private airline ke liye sabse bada nuksaan hai. Company maan rahi hai ki atyadhik kharch aur kathin parichaalan paristhitiyon ke kaaran use yeh nuksaan uthaana pada hai aur ab company laagat ghataane evam munaafe mein aane ke liye sakht upaaya karne ki taiyaari mein hai. Kharch ghataane ke liye kuchh logon ki chhantani ke bhi kayaas lagaae ja rahe hain. Mangalvaar ko hui company ke board ki baithak mein nae CEO ki niyukti, baileins-sheet durast karne, jarurat se adhik kharcheeli parisampattiyon ko ghataane, laagat punargathan va seva evam bede ki yojanaaon mein badlaav sambandhi nirnaya kiye gaye. Baithak mein pehli baar etihaad Airways ke pratinidhi bhi shaamil hue. Abu Dhabi sthit etihaad ne naresh Goyal ki aguvaai waali jet Airways mein 24 pratishat hissedaari khareedi hai. 31 March, 2014 ko samaapt hui timaahi mein company ka shuddh ghaata badhkar 2,153.57 karod rupaye pahunch gaya jo isse pichhle vitt varsh ki isi timaahi mein 495.53 karod rupaye tha. Poore saal ke liye ekeekrut ghaata badhkar 4,129 karod rupaye pahunch gaya. Yeh lagaataar paanchava kvaurtar raha jismein company ko ghaata hua hai. Is beech, company ne vimaanan kshetr ke visheshagya kremar baul ko apna naya CEO niyukt karne ki ghoshana ki hai. January mein company ke CEO dvaara tyaagapatr diye jaane ke baad se nideshak va prabandhak gauraang Shetty CEO ka kaam dekh rahe the. Jet Airways ke Chairman naresh Goyal ne kaha, 'Hamein is chunauteepoorn va pratispardhi vimaanan udyog mein apni safalta sunishchit karne ke liye sakht upaaya apnaane ki jarurat hai. Iska koi alpakaaleen samaadhaan naheen ho sakta. Aavashyak badlaavon ko laagoo karne mein samay lagega. ' unhonne kaha, 'Laabh mein aane ke liye hamaari pehli praathamikta is vimaanan company ke liye aur adhik majaboot vitteeya neenv sthaapit karna hai. ' jet ne kaha ki usane pramukh kaarobaari punargathan ki kavaayad ke liye ek kaaryabal ka bhi gathan kiya hai. Jet Airways ne bayaan mein kaha, 'Board ne company ko naya aakaar dene aur ise laabh mein vaapas laane ke liye ek teen varsheeya vistrut kaarobaari yojana ko bhi manjoori di hai.

Jet Ko Ab Tak Ka Sabse Bada Ghaata, Laagat Ghataane Ke Upaaya Pesh https://www.angrejinews.com/pic/51970