Jessica Laal Hatyaakaand Shyaan Munshi, Bailistik Visheshagya Par Jhoothi Gavaahi Ke Liye Mukadama

Breaking »

Jessica Laal Hatyaakaand Shyaan Munshi, Bailistik Visheshagya Par Jhoothi Gavaahi Ke Liye Mukadama

Nai Delhi . . Puraana paap aasaani se peechha naheen chhodta. Jessica laal hatyaakaand mein bola gaya jhooth baulivud aiktar shyaan munshi ke gale ki haddi saabit huaa hai. Delhi uchch nyaayaalaya ne Budhvaar ko is maamale mein un par case chalaane ka aadesh diya. Is aparaadh ke liye unhein adhiktam saat saal ke kaaraavaas ki saja ho sakti hai. Uchch nyaayaalaya ne 17 anya gavaahon ko mukadame mein jhoothi gavaahi dene ke aarop se bari kar diya. Lekin adaalat ne apne rajistraar general se munshi aur balistik visheshagya pi S manocha ke khilaaf nichli adaalat mein shikaayat daayar karne ko kaha. Justice S Ravindra bhatt aur Justice ji pi mittal ki peeth ne kaha, 'Is adaalat ke rajistraar general prativaadiyon (munshi aur manocha) ke khilaaf seeaarapeesi ki dhaara 340 ke tahat maamale par vichaar karne aur kaarravaai karne ka adhikaar rakhane waali saksham adaalat ke samaksh shikaayat daayar karein. ' uchch nyaayaalaya ne December 2006 mein Jessica laal hatyaakaand mein faisala sunaane ke dauraan maamale mein gavaahon ke apne bayaan se mukarane par svat: Sanjnyaaan liya tha aur abhiyojan paksh se poochha tha ki mukadame ke dauraan kaise unhonne ravaiya badla. Peeth ne gavaahon ki suraksha ka mudda bhi mukhya nyaayaadheesh ko bheja tha jise janahit yaachika ke taur par liya gaya hai. Peeth ne kaha, 'Rajistri ko nirdesh diya jaata hai ki Delhi uchch nyaayaalaya ke mukhya nyaayaadheesh ka aadesh haasil karne ke baad maamale ko aath July ko uchit peeth ke samaksh soocheebaddh karein. ' Jessica laal ki Haryana Congress ke neta vinod sharma ke putr manu sharma ne tab goli maarkar hatya kar di thi jab unhonne dakshin Delhi mein soshalaait beena ramaani ke restraan taimarind court mein der raat aayojit party mein unhein sharaab parosane se inkaar kar diya tha. Uchch nyaayaalaya ne nichli adaalat ke faisale ko palatate hue manu sharma ko aajeevan kaaraavaas ki saja sunaai thi. Nichli adaalat ne manu sharma ko bari kar diya tha. Munshi ne is maamale mein praathamiki darj karaai thi. Munshi ne adaalat ke samaksh yah kehte hue apne khilaaf mukadama naheen chalaane ki maang ki thi ki unhein bayaan se mukara huaa naheen kaha ja sakta kyonki sheersh adaalat ne bhi aaropi ko doshi thaharaane mein unki gavaahi ke kuchh hisse ka istemaal kiya tha. Gaurtalab hai ki maamale ke shikaayatakarta munshi ne mukadame ke dauraan shikaayat ko apna maanane se inkaar kar diya tha. Unhonne kaha tha ki vah hindi naheen jaante.

Jessica Laal Hatyaakaand Shyaan Munshi, Bailistik Visheshagya Par Jhoothi Gavaahi Ke Liye Mukadama https://www.angrejinews.com/pic/9367