Jeremi Ne Yuva Vishv Rikaard Banaaya

Sports »

Jeremi Ne Yuva Vishv Rikaard Banaaya

Aapiya (samoaa), 11 July (bhaasha) yuva olanpik ke svarn padak vijeta jeremi laalarinunga ne guruvaar ko yahaan raashtramandal bhaarottolan championship ke teesare din teen rikaard tode lekin clean evam jark mein bhaar naheen utha paae. shaanadaar pradarshan karte hue 16 saal ke jeremi ne 67 kigra varg ki snaich shreni mein 136 kigra vajan uthaakar yuva vishv, Asiaee aur raashtramandal rikaard tode. isse pehle yuva vishv aur Asiaee rikaard jeremi ke hi naam the jinhonne April mein cheen ke ningbo mein 134 kigra vajan uthaaya tha. mijoram ka yeh bhaarottolak haalaanki clean evam jark mein chook gaya aur jisse unka kul vajan kaafi kam raha. Yeh gold star ki olanpik kvaaleefaaing spardha hai jiske ank tokyo 2020 khelon ki antim ranking ke kat mein istemaal honge. anya bhaarateeya bhaarottolakon mein achinta shyuli ne senior aur junior purush 73 kigra varg mein kul 305 kigra (136 aur 169 kigra) vajan uthaakar svarn padak jeete. mahila 76 kigra varg mein Manpreet Kaur ne 207 kigra (91 kigra aur 116 kigra) vajan uthaakar sone ka tamaga apne naam kiya. raashtramandal championship ka aayojan yuva, junior aur senior varg mein ek saath kiya ja raha hai.

Jeremi Ne Yuva Vishv Rikaard Banaaya https://www.angrejinews.com/pic/286160