Jaya Ko Deenaanaath Mangeshakar Award

Movies »

Jaya Ko Deenaanaath Mangeshakar Award

Mumbai. . Mahaan paarshv gaayika lata mangeshakar, jaani-maani aiktres jaya Bachchan ko 24 April ko deenaanaath mangeshakar puraskaar se sammaanit kareingi. Jaya ko bhaarateeya rangamanch aur cinema ke prati unki samarpit sevaaon ke liye pandit deenaanaath mangeshakar ki punyatithi par master deenaanaath (vishesh puraskaar) puraskaar se navaaja jaaega. Lata ne kaha, 'Mujhe unki sabhi filmein pasand hai. Main Bachchan parivaar ko bahut pasand karti hoon. ' jaya ne rishikesh mukharji ki film 'Abhimaan' mein ek ubharati paarshv gaayika ki bhoomika nibhaai thi. Is bhoomika ki prerana unhonne lata se hi li thi. Sangeet saamraajnyai lata ne kaha, 'Mujhe yaad hai ki vah (jaya) 'Abhimaan' ki shooting se pehle mere gaane ki rikaurding ke liye aati thi. Rikaurding ke dauraan vah mujhe ekatak nazar se dekhti rahati theen aur main yah sochati rahati thi ki vah aisa kyon kar rahi hain. Jab mainne film dekhi to mujhe pata laga ki unhonne kaheen na kaheen meri bhaav bhangimaaon ki nakal ki hai, masalan main jaise khadi hoti hoon ya jis tarah apna palloo theek karti hoon. ' sangeet aur filmon mein atulaneeya yogadaan dene vaalon ko sammaanit karne ke liye lata ji ke pita ke naam par master deenaanaath puraskaar shuroo kiya gaya tha. Is puraskaar se jaane maane sangeetajnyaon, kalaakaaron, abhinetaaon, naatakakaaron aur saamaajik kaaryakartaaon ko 24 April ko smruti chinh aur 1,01,001 rupae ki puraskaar raashi dekar sammaanit kiya jaaega. Suresh vaadekar aur vandana gupte ko maraathi rangamanch aur cinema mein yogadaan ke liye sammaanit kiya jaaega. 80 varsheeya lata master blaastar sachin Tendulkar ki badi prashansak hai. Yah poochhane par ki sachin ko kabhi deenaanaath mangeshakar puraskaar kyon naheen diya gaya, unhonne kaha, 'Aisa isliye hain kyonki humne khel varg mein puraskaar naheen diye hain, lekin ham nishchit hi unhein sammaanit karna chaaheinge. '

Jaya Ko Deenaanaath Mangeshakar Award https://www.angrejinews.com/pic/4975