Jashoda Ben Ko Bhi Mil Sakta Hai Narendra Modi Jaisa Suraksha Kavach

Breaking »

Jashoda Ben Ko Bhi Mil Sakta Hai Narendra Modi Jaisa Suraksha Kavach

Jashoda ben ki file tasveer Jashoda ben ki file tasveer Bhopal: bhaavi pradhaanamantri Narendra Modi aur unki patni ne ek chhat beshak saajha na ki ho, lekin unki patni jashoda ben ko apne pati jaisa hi suraksha kavach jaroor mil sakta hai. ek poorv varishth IPS adhikaari ne kaha ki esapeeji ke niyamon ke anusaar, 62-varsheeya jashoda ben uchch stareeya vishesh suraksha samooh (esapeeji) ke kavar ki 100 feesadi hakdaar hain aur Modi ke pradhaanamantri banane ke saath hi jashoda ben ko bhi suraksha muhaiya karaai jaaegi. poorv sachiv (suraksha) aur madhya pradesh police ke poorv mahaanideshak subhaash chandra tripaathi ne PTI ko bataaya ki esapeeji adhiniyam seedhe taur par kehta hai ki use pradhaanamantri ke parivaar ke sadasyon ko suraksha upalabdh karavaani hogi. unhonne kaha, isliye jashodaaben aur unke pati ke beech ke rishton ki vastusthiti ke baavajood yeh niyam unapar bhi laagoo hota hai. Tripaathi poorv pradhaanamantri aaike gujaraal ke kaaryakaal ke dauraan suraksha sachiv rah chuke hain. jashoda ben uttari Gujarat ke Mehsana jile ke ishvaravaada naamak chhote se gaanv mein apne do bhaaiyon ke saath rahati hain. Esapeeji adhiniyam varsh 1988 mein laagoo hua tha aur ismein varsh 1991, 1994 aur 1999 mein sanshodhan hua tha. Yeh adhiniyam pradhaanamantri aur unke apne parivaar ke sadasyon ko 'Niktasth suraksha' upalabdh karavaata hai. Poorv pradhaanamantri aur unke apne parivaar ke sadasya bhi unke pad se hatne ke 10 saal baad tak esapeeji suraksha lene ke adhikaari hain. kaaryaalaya ke logon ne kaha ki suraksha lene vaala vyakti suraksha kavar ke liye inkaar bhi kar sakta hai, lekin aisa tabhi sambhav hai, jab use koi khatra na ho. Yadi suraksha lene vaale vyakti ko jara sa bhi khatra hota hai, to uske liye suraksha lena anivaarya ho jaata hai. Modi ne vadodara Loksabha seat se apna naamaankan daakhil karte hue pehli baar yeh sveekaar kiya tha ki jashoda ben unki patni hain.

Jashoda Ben Ko Bhi Mil Sakta Hai Narendra Modi Jaisa Suraksha Kavach https://www.angrejinews.com/pic/51697