Jarman Bakery Visfot Maamale Mein Himaayat Beg Ko Saja-A-maut

Breaking »

Jarman Bakery Visfot Maamale Mein Himaayat Beg Ko Saja-A-maut

Pune. . Pune ki ek adaalat ne guruvaar ko jarman bakery visfot ke maamale mein doshi paae gaye himaayat beg ko mrutyudand ki saja sunaai. Varsh 2010 mein February maheene mein hue is aatankvaadi visfot mein 17 logon ki maut ho gayi thi. Pune satr adaalat ke vishesh nyaayaadheesh N. Pi. Dhote ne teen din pehle yaani somvaar ko Indian mujaahideen ke sadasya beg ko is maamale mein doshi thaharaaya tha. Is maamale mein beg ekamaatr giraftaar hone vaala aaropi raha hai. Nyaayaadheesh dhote ne khachaakhach bhari adaalat mein beg ko jarman bakery bam visfot maamale mein doshi karaar diya tha. Nyaayaadheesh ne is maamale ka faisala 18 April tak ke liye surakshit rakh liya tha. Maaloom ho ki Pune ke koregaanv park sthit jarman bakery mein 13 February, 2010 ko bam visfot huaa tha. Bakery yuvaaon tatha videshi paryatakon ke beech behad lokapriya rahi hai. Maharashtra ke aatankvaad nirodhak daste ne visfot ke kareeb saat maah baad September 2010 mein beg ko raajya ke laatoor jile mein udageer se giraftaar kiya tha. Adaalat ka faisala aane ke baad vishesh lok abhiyojak raaja Thackeray ne samvaadadaataaon se kaha tha ki adaalat ne beg ko bhaarateeya dand sanhita ki dhaara 302, 307, 120bi, 153e, 325, 326 tatha anya ke tahat hatya, shadyantr rachane, sampatti ko nuksaan pahunchaane aur anya gambhir aparaadhon ke liye doshi thaharaaya hai. Vaheen, beg ke vakeel A. Rahman ne kaha tha ki yadyapi vah adaalat ke faisale ka sammaan karte hain, lekin vah is faisale ke khilaaf Mumbai uchch nyaayaalaya mein appeal kareinge.

Jarman Bakery Visfot Maamale Mein Himaayat Beg Ko Saja-A-maut https://www.angrejinews.com/pic/6009