Jarman Bakery Blaast Mirja Himaayat Beg Ko Court Ne Doshi Karaar Diya

Breaking »

Jarman Bakery Blaast Mirja Himaayat Beg Ko Court Ne Doshi Karaar Diya

Pune. . Jarman bakery par teen saal pehle hue aatanki hamle mein somvaar ko ek aham faisale mein adishnal session judge N. Pi. Dhote ne mirja himaayat beg ko doshi karaar diya hai. Is hamle ke paanch aaropi ab tak faraar hain. Court is maamale mein beg ko aaparaadhik saajish rachane aur anya aparaadhon ke liye doshi thaharaaya hai. 2010 mein hue is aatanki hamle mein 17 log maare gaye the aur 64 log jakhmi hue the. Is hamle mein yah paupyular restaurant poori tarah se barbaad ho gaya tha. Pune ko is hamle se pehle ek shaant shahar ka tamaga mila huaa tha. Is bade aatanki hamle ke baad yah mith bhi toot gaya. Is maamale mein keval ek sandigdh mirja himaayat beg ki giraftaari hui thi. Beg ko 7 sintabar 2010 mein Pune se arest kiya gaya tha. Jaanch agency ko is maamale mein 1,200 kilogram visfotak mila tha. Is maamale mein 5 anya log mohasin chaudhari, yaasin bhatakal, riyaaj bhatakal, Iqbal bhatakal aur faiyyaaj kaagaji ke khilaaf court mein aarop patra daakhil kiye gaye the. Haalaanki ye paanchon filhaal police pakad se baahar hain. Is maamale mein abhiyojan paksh ne court se kaha tha ki is hamle ki yojana 2008 mein Colombo mein banaai gayi thi. Beg ko vaheen is hamle ki training di gayi. Beg ne laatoor distrikt ke udageer mein ek cyber kaife ke maadhyam se bam aseinbal kiya tha. Beg ke paksh vaalon ka kehna hai ki us vakt vah Pune mein naheen tha jab bam blaast huaa tha. Gaurtalab hai ki jarman bakery Pune mein videshiyon ke liye behad paupyular restaurant raha hai.

Jarman Bakery Blaast Mirja Himaayat Beg Ko Court Ne Doshi Karaar Diya https://www.angrejinews.com/pic/5589