Jammu Kashmir Mein Anuchhed 370 Par Charcha Karegi Sarkaar Jitandr Singh

Breaking »

Jammu Kashmir Mein Anuchhed 370 Par Charcha Karegi Sarkaar  Jitandr Singh

File photo File photo Nai Delhi: pradhaanamantri Narendra Modi ke kaaryaalaya (peeemao) ke raajyamantri ki or se Jammu Kashmir ko vishesh darja dene vaale anuchhed 370 ke gun doshon par charcha ke sambandh mein vivaadaaspad bayaan diye jaane ke baad raajya ke mukhyamantri umar abdulla aur mukhya vipakshi peedeepi ne kadi pratikriya vyakt ki hai. udhar sarkaar ne peeemao mein raajya mantri Jitendra Singh ke bayaan se uthe vivaad ko kamtar karne ka prayaas kiya aur kaanoon mantri ravishankar prasaad ne cabinet ki baithak ke baad samvaadadaataaon se kaha, 'Ham is par vichaar kareinge. Aapne dekha tha ki humne chunaav prachaar ke dauraan kya kaha tha. Sarkaar is par niyam kaayadon ke anuroop vichaar karegi. ' vaheen pehli baar Jammu Kashmir ke udhamapur se Loksabha sadasya nirvaachit hue Jitendra Singh ne kaha ki Modi sarkaar Jammu Kashmir ke lihaaj se anuchhed 370 ke gun doshon par charcha ke liye taiyaar hai aur raajya mein samaaj ke har varg ke saath sampark karke un logon ko samajhaane ke prayaas kiye jaaenge jo 'Asahamat' hain. 57 varsheeya Singh ko pradhaanamantri kaaryaalaya mein raajyamantri banaaye jaane ke Modi ke faisale se kai logon ko hairaani hui hai. Singh ne kaha ki bhaajapa bahut peshevar tareeke se is mudde par kaam kar rahi hai aur Kashmir ghaati mein baithakein bula rahi hai. kaarmik aur prashikshan vibhaag ke raajyamantri ke taur par kaamkaaj sambhaalne ke baad unhonne samvaadadaataaon se kaha, 'Ham kuchh logon ko is baare mein samajhaane mein kaamayaab rahe hain. ' haalaanki Singh ke bayaan par umar ne kadi pratikriya vyakt karte hue tweet kiya ki anuchhed 370 raajya aur shesh desh ke beech 'Ekamaatr samvaidhaanik kadi' hai. Jammu Kashmir ke mukhyamantri umar abdulla ne tweet par kaha hai ki Jammu Kashmir aur shesh Bhaarat ke beech ekamaatr sampark dhaara 370 hai aur ise hataane ki baat karna na sirf kam jaankaari ka parichaayak hai, balki gairajimmedaaraana bhi hai. Abdulla ne kaha, 'Peeemao mein nae raajya mantri kehte hain ki dhaara 370 ko hataane ki prakriya/vichaar-vimarsh shuroo ho gaya hai. Vaah! Bahut tej shuruaat hai. Pata naheen kaun baat kar raha hai. ' abdulla ne apne tweet mein yahaan tak kaha ki dhaara 370 ko hataane ka asar Kashmir ke Bhaarat se alag ho jaane tak bhi ho sakta hai. Unhonne kaha, 'Mere is tweet ko sev kar leejiye. Modi sarkaar jab ek bhooli-bisri yaad ban chuki hogi, tab ya to dhaara 370 maujood rahegi ya Jammu Kashmir Bhaarat ka ang naheen rahega. ' gaurtalab hai ki pehli baar saansad bane 57 varsheeya Singh ne saaf kiya ki BJP anuchhed 370 ko hataane ke paksh mein hai, jo Jammu Kashmir ko vishesh darja deta hai. Haalaanki iske saath hi unhonne kaha ki party logon ko samajhaana chaahati hai aur is mudde ke deerghakaalik samaadhaan ke liye lokataantrik tareeka apanaaegi. Singh ne kaha ki pradesh BJP anek pakshon se baat kar rahi hai. Unhonne kaha, 'Humne Kashmir ghaati mein baithakein bulaai hain aur humne unamein se kuchh ko manaane mein safalta haasil ki hai. ' pehli baar saansad bane Singh ko pradhaanamantri kaaryaalaya mein raajyamantri banaae jaane ke Modi ke faisale se kai logon ko hairaani hui hai. Singh ne kaha ki Modi ne pichhle saal raajya mein ek rally mein dhaara 370 par charcha ka mudda uthaaya tha aur iske gun doshon par raajya bhar mein seminaar aayojit karne ka sujhaav diya tha. Singh ne Modi ki us baat ko aage badhaate hue aaj kaha, 'Unki (Modi ki) aur sarkaar ki ichha hai ki ham is par charcha karein jisse ki ham dhaara 370 se ho rahe nuksaan ke baare mein asahamat logon ko samjha sakein. ' (agency input ke saath)

Jammu Kashmir Mein Anuchhed 370 Par Charcha Karegi Sarkaar Jitandr Singh https://www.angrejinews.com/pic/51894