Jammu-Kashmir Aaiees Chhod Neta Bane Shaah Faizal Ne Launch Ki Raajaneetik Party

Breaking »

Jammu-Kashmir Aaiees Chhod Neta Bane Shaah Faizal Ne Launch Ki Raajaneetik Party

Shreenagar Loksabha chunaav kareeb aate hi Kashmir ghaati mein siyaasi rang teji se chadhne laga hai. Jammu-Kashmir ki raajaneeti mein ravivaar ko us vakt naya adhyaaya jud gaya, jab bhaarateeya prashaasanik seva (aaiees) chhodkar neta bane shaah Faizal ne ravivaar ko apni nai raajaneetik party launch kar di. Party launching ke mauke par unhonne kaha, 'Main Kashmir aur Delhi ke beech khaali jagah ko bharne waali aavaaj banoonga. ' JNU ki chhaatraneta shehala rasheed bhi is party mein shaamil ho gain. Unhonne kaha, 'Bhrashtaachaar ka jo raaj Kashmir mein kaayam hua hai, sabse pehle ham use badaleinge. Aaj bhi aap logon ko ilaaj ke liye aur rojagaar ke liye Jammu aur shreenagar aana padta hai. Ham is tasveer ko badalne ki koshish kareinge. ' poorv aaiees adhikaari shaah Faizal ne ravivaar ko apni nai raajaneetik party ko launch kar diya, jise 'Jammu-Kashmir peepals movement' naam diya gaya hai. Party launch karne ke liye shaah Faizal ne shreenagar ke raajabaag ilaake mein sthit gindun park ke football ground mein kaaryakram aayojit kiya. Is dauraan shehara rasheed ne bhi Faizal ki party ka daaman thaama. Shehala bhi manch par shaah Faizal ke saath maujood raheen. Srinagar: Former IAS officer Shah Faesal has launched his political party the 'Jammu and Kashmir Peoples' Movement,… https: //t. Co/iXA8Yh0KUr— ANI (@ANI) 1552823272000 Gaurtalab hai ki aaiees ki naukri chhodne ke baad shaah Faizal ne jab ailaan kiya tha ki vah raajaneeti mein utarane ja rahe hain. Us vakt kayaas lagaae ja rahe the ki vah kisi na kisi party ka daaman thaam leinge, lekin ab yeh spasht ho gaya hai ki shaah Faizal kisi party mein shaamil hone ki bajaay apni party banaakar raajaneeti kareinge. Vaheen vaamapanthi chhaatr sangathan ke saath judkar student paulitiks karne waali shehala rasheed, JNU chhaatrasangh ki upaadhyaksh rah chuki hain. JNU mein kathit taur par lage deshavirodhi naaron ke baad hue vivaad mein shehala, tatkaaleen adhyaksh kanhaiya Kumar aur umar khaalid ke saath hi surkhiyon mein aa gayi theen. Kendra sarkaar par shaah Faizal ne saadha tha nishaana Gaurtalab hai ki isi saal January maheene mein shaah Faizal ne Kashmir mein muslimon ki 'Hatya' ke virodh mein aaiees se isteefa de diya tha. Iske alaava unhonne kendra sarkaar par RBI, CBI aur NIA jaisi agencyon ko tabaah karne ka bhi aarop lagaaya tha. Aaiees chhodne ke baad se hi shaah Faizal Jammu-Kashmir mein jagah-jagah logon se aur khaaskar yuvaaon se samvaad kar rahe the. Shaah Faizal ne logon se raajya mein bhrashtaachaar mukt, svachh aur paaradarshi raajaneeti ki samarthan karne ki bhi appeal ki thi. Apni is muhim ke liye unhonne ek kraaudafanding abhiyaan bhi shuroo kiya tha.

Jammu-Kashmir Aaiees Chhod Neta Bane Shaah Faizal Ne Launch Ki Raajaneetik Party https://www.angrejinews.com/pic/261835