Jald Chalan Mein Laae Jaaenge Plastic Ke Not

Business »

Jald Chalan Mein Laae Jaaenge Plastic Ke Not

Nai Delhi. . Kaagaj ke noton ke jaldi kharaab hone ki samasya ko door karne ke liye RBI ne plastic ke not jaari karne jordaar taiyaari shuroo kar di hai. Shuroo mein kochchi, Mysore, Jaipur, bhuvaneshvar aur Shimla mein plastic ke not jaari kiye jaaenge. Ye not kab jaari kiye jaaenge, abhi tak iski samayaseema tay naheen ki gayi hai. In shaharon mein 10 rupaye ke ek arab not jaari kiye jaaenge. RBI Governor di. Subbaaraav ne pichhle hafte kaha tha ki RBI plastic karansi laane ki disha mein aage badh raha hai. Reserve bank ko har saal do lakh karod rupaye ke gande ya kate-fate not reeples karne padte hain. Aamtaur par har paanch mein se ek not har saal hataana padta hai. Reserve bank ke aankadon ke mutaabik 31 March 2012 ko khatm faainainshal iyar mein is tarah ke kareeb 13 arab not khatm kiye gaye. Vitt varsh 2011-12 ki samaapti par arthavyavastha mein kul milaakar 10.5 lakh karod rupaye ke not chalan mein the. Aise mein RBI ko 2.05 lakh karod rupaye ke kharaab not chalan se hataane pade. Reserve bank ne is samasya ko hal karne ke liye plastic not ki shuroo karne ka faisala kiya hai. Baharahaal, plastic not ka chalan iske pareekshan yojana ki safalta par nirbhar karega. Plastic ya paulimr ke noton ki life lambi maani jaati hai. Plastic noton ki shuruaat sabse pehle Australia mein hui thi. Iske baad Singapore, Canada, new jeelaind, Malaysia, viytanaam, fiji aur romaaniya samet kuchh aur deshon mein ye pehle se hi chalan mein hain. Britain bhi plaasti ke not laane par vichaar kar raha hai.

Jald Chalan Mein Laae Jaaenge Plastic Ke Not https://www.angrejinews.com/pic/8415