Jaipur Mein Truck Ne Das Kaanvadiyon Ko Kuchala, Paanch Ki Maut

India »

Jaipur Mein Truck Ne Das Kaanvadiyon Ko Kuchala, Paanch Ki Maut

Jaipur. . Rajasthan ke dhaulapur ke sakatapur gaanv ke paas shanivaar tadke ek bekaaboo truck ne soro se gvaaliyr ja rahe das kaanvadiyon ka kuchal diya. Haadase mein paanch kaanvadiyon ki maut ho gayi aur paanch anya ghaayal ho gaye. Police sootron ne bataaya ki Mathura-Mumbai naishanal highway par tej raftaar se aae truck ne kataar mein chal rahe kaanvadiyon ko peechhe se kuchal diya. Police ne graameenon ki madad se kaanvadiyon ko najadeeki sarkaari aspataal mein pahunchaaya, jahaan paanch ko mrut ghoshit kar diya gaya. Sootron ke anusaar, mrut kaanvadiyon ki pehchaan malakhaan (35), rai Singh (18), guddoo (45), santosh (32) aur bhoneeraam (56) ke roop mein hui hai. Ghaayal kaanvadiyon mein se teen ki haalat naajuk hai. Unhein gvaaliyr bheja gaya hai. Unhonne bataaya ki kaanvadiye ravivaar ko mahaashivraatri par jal Abhishek ke liye soro se jal lekar shukravaar ko gvaaliyr ke liye ravaana hue the. Haadase ke baad driver truck lekar bhaag gaya. Police ne truck chaalak ke khilaaf maamala darj kar jaanch kar rahi hai

Jaipur Mein Truck Ne Das Kaanvadiyon Ko Kuchala, Paanch Ki Maut https://www.angrejinews.com/pic/3250