Jail Mein Hi Raheinge Sahaara Pramukh, Supreme Court Ne Thukaraai Jamaanat Yaachika

Breaking »

Jail Mein Hi Raheinge Sahaara Pramukh, Supreme Court Ne Thukaraai Jamaanat Yaachika

File photo File photo Nai Delhi: Supreme court ne aaj sahaara samooh ke mukhiya subrat rai ko Lucknow mein ghar mein najaraband karne ka anurodh thukaraate hue samooh se kaha ki apne mukhiya ki jail se rihaai ke liye use das hajaar karod rupaye ke bhugataan ke baare mein 'Tarkasangat' aur 'Sveekaarya' prastaav pesh karna hoga. Justice teerath Singh thaakur aur Justice AK seekari ki khandapeeth ne kaha ki is gatirodh se kisi ko madad naheen milegi. Court ne sahaara samooh se kaha ki vah naya prastaav lekar aaye. Justice JS khehad dvaara is maamale ki sunavaai se khud ko alag karne ke baad iske liye nai khandapeeth ka gathan hua hai. is beech, sahaara ne court mein kaha ki London aur New York sthit hotel sahit apni sanpattiyaan bechne ka ichhuk hai. Is par nyaayaadheeshon ne kaha, 'Yeh gatirodh kisi ki bhi madad naheen karega. Aisa prastaav laaiye jo tarkasangat aur sveekaarya ho. ' nyaayaadheeshon ne kaha ki yeh sunavaai kaafi upayogi rahi hai aur ab agale saptaah aage vichaar kiya jaae. Court ne sahaara samooh se kaha ki is beech vah apna prastaav taiyaar kar le. samooh ki or se varishth adhivakta Rajiv dhavan ne daleel di ki rai pichhle 75 din se jail mein hain. Unhonne kaha ki rai ko jail se nikaal kar lakhanau mein ghar mein najaraband kiya jaana chaahiye. Lekin nyaayaalaya ne kaha ki is samay vah koi aadesh naheen de raha hai. 65 saal subrat rai niveshakon ka 20 hajaar karod rupae se adhik dhan naheen lautaane ke kaaran chaar March se tihaad jail mein band hain. Nyaayaalaya ne unase kaha ki jamaanat ke liye das hajaar karod rupae ke bhugataan ke baare me naya prastaav laaya jaae. court ne chaar March ko unhein jail bhejane ke nyaayik aadesh ki vaidhaanikta ko chunauti dene waali rai ki yaachika par aadesh diya tha. court ne apne faisale mein niveshakon ka dhan lautaane ke baare mein uske sabhi aadeshon ka 'Suniyojit tareeke se' ullanghan karne aur use nishfal banaane ke liye sahaara samooh ki teekhi aalochna ki thi.

Jail Mein Hi Raheinge Sahaara Pramukh, Supreme Court Ne Thukaraai Jamaanat Yaachika https://www.angrejinews.com/pic/51038