Jabardast Aikshan Ke Chakkar Mein Jale Shahid

Movies »

Jabardast Aikshan Ke Chakkar Mein Jale Shahid

pichhle dinon prabhu deva ki film 'Rainbo Rajkumar' ki shooting ke dauraan aag ki chapet mein aane se Shahid Kapoor ghaayal ho gaye. Bataaya ja raha hai ki unke haathon aur paanvon par jalne se jakhm ho gaye hain aur unako theek hone mein abhi kuchh samay lagega. Film ke ek kareebi sootr ke mutaabik, kamaalistaan studio mein shooting chal rahi thi, jismein Shahid ko ek jalate hue ghar mein ghusna tha. Shooting to theek-thaak ho gayi, lekin jab vah us ghar se baahar aa rahe the to unke haath aur shareer ke pichhle hisse par kuchh chemicals gir gaye, jo behad garm the aur unki ti-shart ko jalaakar shareer par fail gaye. Jab tak Shahid ti-shart nikaalate, tab tak vah kaafi jal chuke the. Iske baad unhein skin speshalist ke paas le jaaya gaya. Pehle to lag raha tha ki yah maamooli chot hai aur film ka kaam chalta rahega, lekin baad pata laga ki unako break lena hi padega. Kaha ja raha hai ki film 'Rainbo Rajkumar' mein maar-dhaad aur adaveinchar vaale kai scene hain. Film ke director prabhu deva chaahate hain ki unki film ke ye drushya unki pehle ki filmon, 'Vaunted' aur 'Rowdy Rathore' ki tarah romaanchak hon. Ab yah to film dekhkar hi pata chalega ki unki aur Shahid ki yah mehnat kitna rang laati hai.

Jabardast Aikshan Ke Chakkar Mein Jale Shahid https://www.angrejinews.com/pic/7950