Jabardast Action Ki Khaatir Jal Gaye Shahid

Movies »

Jabardast Action Ki Khaatir Jal Gaye Shahid

pichhle dinon prabhudeva ki film 'Rainbo Rajkumar' ki shooting ke dauraan aag ki chapet mein aane se Shahid Kapoor ghaayal ho gaye. Bataaya ja raha hai ki unke haathon aur paanvon par jalne se jakhm ho gaye hain aur unako theek hone mein abhi kuchh samay lagega. Film ke ek kareebi sootr ke mutaabik, kamaalistaan studio mein shooting chal rahi thi, jismein Shahid ko ek jalate hue ghar mein ghusna karna tha. Shooting to theek-thaak ho gayi, lekin jab vah us ghar se baahar aa rahe the, to unke haath aur shareer ke pichhle hisse mein kuchh chemicals gir gaye. Ye behad garm the, jo unki ti-shart ko jalaakar shareer par fail gaye. Jab tak Shahid ti-shart nikaalate, tab tak vah kaafi jal chuke the. Uske baad unako skin speshalist ke paas le jaaya gaya. Pehle to lag raha tha ki yah maamooli chot hai aur film ka kaam chalta rahega, lekin baad pata laga ki unako break lena hi padega. Kaha ja raha hai ki film 'Rainbo Rajkumar' mein maaradhaad aur edaveinchar vaale kai scene hain. Film ke director prabhudeva chaahate hain ki unki film ke ye drushya unki pehle ki filmon, 'Vaunted' aur 'Rowdy Rathore' ki tarah romaanchak hon. Ab yah to film dekhkar hi pata chalega ki unki aur Shahid ki mehnat kitna rang laati hai.

Jabardast Action Ki Khaatir Jal Gaye Shahid https://www.angrejinews.com/pic/7887