Jab Tak Khelega, Khush Rahega Sachin Ramaakaant Aacharekar

Cricket » Tuesday, April 23, 2013

Kolkata. . Sachin Tendulkar ke 40vein janmadin se pehle unke bachapan ke coach ramaakaant aacharekar ne bhi apni shubhakaamanaaen bhejate hue kaha hai ki jab tak vah khelega, khush rahega. Dronaachaarya puraskaar vijeta 80 baras ke aacharekar ki or se unki beti kalpana ne kaha, 'Mera aasheervaad sachin ke saath hamesha hai. ' aacharekar koolhe ki haddi mein fracture aur beemaar hone se baat karne mein asamarth the. Kalpana ke jariye unhonne kaha, 'Vah jyaada se jyaada run banaae. Main use lambe samay tak khelte dekhna chaahata hoon. Vah jab tak khelega, khush rahega. ' Tendulkar ne Australia ke khilaaf shrrunkhala se pehle aacharekar se mulaakaat ki thi. Kalpana ne kaha, 'Vah apni patni anjali ke saath Baba se milne aae the. ' aacharekar Tendulkar ke saare match dekhte hain. Unki beti ne kaha, 'Vah TV ke saamane baith jaate hain aur jab tak sachin ballebaaji karta hai, hilte bhi naheen. Unhein kal ke match ka intajaar hai. ' aacharekar ne Tendulkar ko baanda ke aaiies school se nikaalkar shaaradaashram vidya mandir mein daala jahaan vah coach the.