Jab Field Mein Viraat Ki Paint Khisak Gayi

Cricket »

Jab Field Mein Viraat Ki Paint Khisak Gayi

Nai Delhi. . Yuvraj Singh ne IPL ke dauraan apne cricket career ke sabse majedaar aur shaanadaar palon ko yaad karte hue kaha ki viraat mujhse itne savaal poochhata hai ki main pareshaan ho jaata hoon. Yuvi ne kaha ki viraat kabhi bhi koi savaal daag deta hai. Yah bhi jaroori naheen hai ki savaal cricket ko lekar hi ho, kisi bhi mudde par uske paas savaal bahut hote hain. Uske savaalon se main kabhi kabhi kheej jaata hoon. Unhonne viraat ke baare mein ek majedaar pal yaad karte hue bataaya ki ek baar Bangladesh mein feelding karte hue viraat geind pakadne ke liye lapka to usaki paint khisak gayi. Usane paint ke neeche kuchh pahana bhi naheen tha. Zaheer Khan ke baare mein ek majedaar pal yaad karte hue yuvi ne kaha ki ek baar jab vipakshi team ke ballebaaj ne hit kiya to Zaheer ko laga ki geind uske paas aa rahi hai. Zaheer ne chillaate hue kai baar kaha ki yah catch mera hai, mera hai. Lekin tabhi Zaheer ko laga ki geind usase door ja rahi hai to turant chillaane laga ki yah catch tumhaara hai, tumhaara hai. Yuvi ne hansate hue kaha ki na yah catch mera tha aur na hi Zaheer ka, balki is chakkar mein vah catch suresh raina se bhi chhoot gaya. Lekin uske baad ham hansane lage. Sachin ki naseehat, cricket se milti hai roti: Yuvi ne puraane lamhon ko yaad karte hue bataaya ki sachin ki ek naseehat ne mere andar kaafi badlaav la diya. Ek baar Mumbai mein Australia ke khilaaf khelte hue main jaldi out ho gaya tha. Main gusse mein aaya aur dresing room mein bait ko patakakar tod diya. Yah sab sachin dekh rahe the. Vah mere paas aae aur kaha ki aaj ham jo bhi hain, cricket ki badaulat hi hain. Usi se hamein roti milti hai. Tumhein balle ke saath aisa naheen karna chaahiye. Uske baad se hi meri soch badli aur fir kabhi aisa naheen kiya.

Jab Field Mein Viraat Ki Paint Khisak Gayi https://www.angrejinews.com/pic/5991