Jaanch Mein 'Roda Ban Rahe Eesapi Aur Kunda Ke Thaanedaar Hataae Gaye

Breaking » Wednesday, April 3, 2013

Lucknow. . Kunda mein seeo jiya-ul-hak samet tihre hatyaakaand ki jaanch kar rahi CBI ki sifaarish par uttar pradesh sarkaar ne prataapagadh ke adishnal SP aur chaar thaanedaaron ko hata diya hai. CBI ne jaanch prabhaavit karne ki baat kehte hue in adhikaariyon ko hataane ki maang ki thi. Eesapi aashaaraam Yadav ke alaava kunda circle ke maheshaganj thaana prabhaari ashok Pande, nabaabaganj thaana prabhaari Arvind Singh, kunda ke inspector shreeprakaash rai aur hathigvaan ke thaana prabhaari nishikaant rai hataae gaye hain. In sabhi ki taaja posting ki jaankaari naheen di gayi hai. CBI ne UP sarkaar ko chithti likhkar kaha tha prataapagadh ke atirikt police adheekshak (eesapi) aashaaraam aur kunda kshetr mein padne vaale chaar thaanon ke prabhaariyon ko turant hata diya jaae. Chitthi mein kaha gaya hai ki is ilaake ki janta dahashat aur dabaav mein hai aur jaanch mein sahayog naheen kar rahi hai. Gaurtalab hai ki 2 March ko prataapagadh mein kunda seeo sahit gram pradhaan nanhe Yadav aur unke bhaai suresh Yadav ki hatya kar di gayi thi. 7 March se CBI iski jaanch kar rahi hai lekin lagaataar poochhataachh ke baad bhi kisi nateeje par naheen pahunch saki hai.